ირაკლი ფავლენიშვილი - არცერთი ჩვენი პარტნიორი ქვეყანა არ აპირებს მიატოვოს საქართველო ამ განსაცდელის ჟამს - საგარეო საქმეთა მინისტრების აქციაზე მოსვლა იმ ურყევი ძალისხმევის და მხარდაჭერის გაგრძელებაა, რომელსაც ქართველი ხალხი გრძნობს
საგარეო საქმეთა მინისტრების აქციაზე მოსვლა და ქართველ ხალხთან დგომა არის გაგრძელება იმ ურყევი ძალისხმევის და მხარდაჭერის, რომელსაც ქართველი ხალხი გრძნობს - არცერთი ჩვენი პარტნიორი ქვეყანა არ აპირებს მიატოვოს საქართველო ამ განსაცდელის ჟამს, რომლებსაც აქამდე ჩვენი დედაქალაქი ოკუპანტისგან გადაურჩენიათ, - ამის შესახებ „ერთიანი ნაციონალური მოძრაობის“ გენერალური მდივნის მოადგილემ, ირაკლი ფავლენიშვილმა განაცხადა.
მისივე თქმით, საქართველოს პარტნიორები ქართველი ხალხის გვერდით დგანან.
„საგარეო საქმეთა მინისტრების აქციაზე მოსვლა და ქართველ ხალხთან დგომა არის იმ ურყევი ძალისხმევის და მხარდაჭერის გაგრძელება, რომელსაც ქართველი ხალხი თავისი ევროპული, დასავლური ინტეგრაციის, სუვერენიტეტის შენარჩუნების გზაზე გრძნობს. ამ ქვეყანაში, ამ ქალაქში ჩამოსვლას, აქამდეც გადაურჩენია ჩვენი დედაქალაქი ოკუპანტისგან და დღესაც, რა თქმა უნდა, არავინ არც ევროკავშირში, არც ჩვენი მთავარი სტრატეგიული პარტნიორი აშშ და არცერთი სხვა ჩვენი მნიშვნელოვანი მეგობარი ამ განსაცდელის ჟამს ჩვენი ქვეყნის მიტოვებას არ აპირებს“, - განაცხადა ირაკლი ფავლენიშვილმა, რომლის განცხადებასაც პარტია „ნაციონალური მოძრაობა“ ავრცელებს.
