სლოვაკეთის პრემიერზე თავდასხმაში ეჭვმიტანილს ბრალი მკვლელობის მცდელობისთვის წაუყენეს

სლოვაკეთის პოლიციამ მამაკაცს, რომელიც სლოვაკეთის პრემიერ-მინისტრ რობერტ ფიცოზე თავდასხმისთვის დააკავეს, ბრალი მკვლელობის მცდელობისთვის წაუყენეს, - ინფორმაციას CNN-ი სლოვაკეთის შინაგან საქმეთა მინისტრზე დაყრდნობით ავრცელებს.

სლოვაკური მედიის ცნობით, დაკავებული 71 წლის სლოვაკი მწერალი და პოეტი, მისი სახელი და გვარი ოფიციალურად იდენტიფიცირებული არ არის.

გუშინ, სლოვაკეთის პრემიერ-მინისტრი, რობერტ ფიცო სროლის დროს დაიჭრა და საავადმყოფოში გადაიყვანეს. ინციდენტი დედაქალაქ ბრატისლავიდან ჩრდილოეთ-აღმოსავლეთით 150 კილომეტრის მოშორებით, ქალაქ ჰანდლოვაში მოხდა. ეჭვმიტანილი ადგილზე დააკავეს.

ბანსკა-ბისტრიცას საავადმყოფოს დირექტორმა, მირიამ ლაპუნიკოვამ დღეს განაცხადა, რომ რობერტ ფიცოს მდგომარეობა სტაბილურია, მაგრამ ძალიან მძიმე. სლოვაკეთის თავდაცვის მინისტრის, რობერტ კალინიაკის თქმით, რომელიც პრესკონფერენციას ბანსკა-ბისტრიცას საავადმყოფოს დირექტორთან ერთად დაესწრო, ექიმები პრემიერ-მინისტრის მდგომარეობის გასაუმჯობესებლად ყველაფერს აკეთებენ და აღნიშნა, რომ დამატებითი ინფორმაცია დღის განმავლობაში გახდება ცნობილი.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი