ეუთო-ს საპარლამენტო ასამბლეის კომიტეტის თავმჯდომარე - ყურადღებით ვაკვირდებით თბილისში მიმდინარე მოვლენებს, დაშინებისა ან ძალადობის შესახებ ნებისმიერ ცნობას შეშფოთებით ვუყურებთ

ჩვენი ასამბლეის წევრები ყურადღებით აკვირდებიან თბილისში მიმდინარე მოვლენებს და დაშინებისა ან ძალადობის შესახებ ნებისმიერ ცნობას შეშფოთებით უყურებენ, - ამის შესახებ ეუთოს საპარლამენტო ასამბლეის დემოკრატიის, ადამიანის უფლებებისა და ჰუმანიტარული საკითხების კომიტეტის თავმჯდომარემ, ლუსი პოტუჩკოვამ განაცხადა.

„ხაზს ვუსვამთ, რომ სიტყვის, გამოხატვისა და შეკრების თავისუფლებები ეუთო-ს ყველა წევრის საკვანძო ვალდებულებებია, მათ შორის საქართველოსი, რომ უზრუნველყოფთ დემოკრატიის ყველა პრინციპისა და ფუნდამენტური უფლებების დაცვა. ჩვენი ასამბლეა ყოველთვის ერთგულად იცავდა ამ საბაზისო უფლებებს და ღირებულებებს, რომლებიც ეხმარებიან თავისუფალ და დემოკრატიულ საზოგადოებებს”,-განაცხადა ეუთო-ს საპარლამენტო ასამბლეის დემოკრატიის, ადამიანის უფლებებისა და ჰუმანიტარული საკითხების კომიტეტის თავმჯდომარემ, ლუსი პოტუჩკოვამ.

მან ასევე აღნიშნა, რომ არასამთავრობო ორგანიზაციების მუშაობა და ცოცხალი სამოქალაქო საზოგადოების სექტორი კრიტიკულად მნიშვნელოვანია მთავრობის ანგარიშვალდებულებისთვისა და დემოკრატიული ღირებულებების წინ წაწევისთვის.

პოტუჩკოვას თქმით, ნებისმიერი კანონმდებლობა, რომელიც გავლენას ახდენს სამოქალაქო საზოგადოების თავისუფლად და დამოუკიდებლად მუშაობის სივრცეზე, პრობლემურია და დეტალურ შემოწმებას საჭიროებს, მათ შორის საერთაშორისო პარტნიორებისგან და ექსპერტებისგან.

მან აღნიშნა, რომ ზომები, რომლებიც გამჭვირვალობისა და ანგარიშვალდებულების გაზრდას ისახავენ მიზნად, ბალანსი უნდა იყოს სამოქალაქო საზოგადოების დამოუკიდებლობისა და ავტონომიის დაცვის საჭიროებასთან.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა