გიორგი კახიანი - პრეზიდენტის მიზანი არის მდგომარეობის რადიკალიზაცია, მეტი დაძაბულობის შემოტანა და ჩიხური მდგომარეობის შექმნა - ვნახოთ, რას იტყვის ვენეციის კომისია, მზად ვართ, სამართლებრივ არგუმენტებზე ვიმსჯელოთ

პრეზიდენტის კონსტრუქციულობაზე მე იმედი არ მაქვს და ამ თვალსაზრისით მისგან რაიმე პოზიტიურს არ ველოდები. რასაც აქამდე ვხედავ, პრეზიდენტის მიზანი ყოველთვის არის მდგომარეობის რადიკალიზაცია, კიდევ უფრო მეტი დაძაბულობის შემოტანა და ჩიხური მდგომარეობის შექმნა, - ამის შესახებ პარლამენტის ვიცე-სპიკერმა, გიორგი კახიანმა ჟურნალისტებთან “უცხოური გავლენის გამჭვირვალობის შესახებ” კანონზე პრეზიდენტის მოსალოდნელ ვეტოსთან დაკავშირებით განაცხადა.

როგორც გიორგი კახიანმა აღნიშნა, მნიშვნელოვანია დაველოდოთ ვენეციის კომისიის დასკვნას, ვნახოთ, რას იტყვის ვენეციის კომისია და ამ დასკვნის შემთხვევაში, თუ ნახავენ, რომ რაიმე სამართლებრივად არგუმენტირებული არსებობს, მზად არიან, იმსჯელონ.

“იმედი მაქვს, რომ პრეზიდენტი ამჯერად მაინც შეიცვლის თავის პოზიციას და თუ თეორიულად და სამართლებრივად მართლაც შესაძლებელია, რაიმე კონკრეტული არგუმენტი არსებობდეს, ჩვენ მზად ვართ, რომ ამაზე ვიმსჯელოთ და შესაბამისი გადაწყვეტილებებიც მივიღოთ. ვნახოთ, როგორ მოიქცევა. მან მართალია თქვა, რომ ის ვეტოს წარმოადგენს, მაგრამ კონსტიტუცია ავალდებულებს, რომ ვეტო მოტივირებული შენიშვნებით იყოს წარმოდგენილი. იმედი მაქვს, ამჯერად მაინც არ დაარღვევს კონსტიტუციას და მის ვეტოში წარმოდგენილი იქნება შენიშვნები. თუმცა, რთულად წარმომიდგენია, რა შენიშვნები უნდა იყოს, რადგან უბრალოდ არ მესმის გამჭვირვალობის შესახებ რა არგუმენტები შეიძლება არსებობდეს. ვფიქრობ, რომ ამ შემთხვევაში მნიშვნელოვანია დაველოდოთ ვენეციის კომისიის დასკვნას, ვნახოთ, რას იტყვის ვენეციის კომისია და ამ დასკვნის შემთხვევაში, თუ ჩვენ ვნახავთ, რომ რაიმე სამართლებრივად არგუმენტირებული არსებობს, მზად ვართ, რომ ვიმსჯელოთ”, - აღნიშნა გიორგი კახიანმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024