ფოთში, ოჯახის სიწმინდის დღე აღინიშნა. სასულიერო პირები, ადგილობრივი ხელისუფლების წარმომადგენლები და მრევლი ანდრია პირველწოდებულის ტაძართან შეიკრიბა. მათ აღმაშენებლის ქუჩაზე ლოცვითი მსვლელობა მოაწყვეს.
მსვლელობა ფოთის აღდგომის ბრწყინვალე დღესასწაულის სახელობის საკათედრო ტაძარში დასრულდა, სადაც სასულიერო პირებმა ზეთისცხების რიტუალი შეასრულეს და შეკრებილებს სიყვარულისა და ურთიერთპატივისცემისკენ მოუწოდეს. დღესასწაულის ბოლოს საკათედრო ტაძარში სამღვდელოებამ პარაკლისიც გადაიხადა.
ოჯახის სიწმინდის დღე ზუგდიდშიც აღნიშნეს. ამ დღის აღსანიშნავად ვლაქერნის ღვთისმშობლის სახელობის ტაძრიდან მსვლელობა გაიმართა. მას მეუფე გერასიმესთან ერთად, ეპარქიის სასულიერო პირები უძღვებოდნენ. მსვლელობაში მრევლი და ადგილობრივი ხელისუფლების წარმომადგენლები მონაწილეობდნენ.
სასულიერო პირებმა ქალაქის ცენტრალურ ქუჩები და ბულვარის მიმდებარე ტერიტორია აკურთხეს. მოგვიანებით კი, ღვთისმშობლის მოზაიკურ ფრესკასთან პარაკლისი გადაიხადეს.