ოჯახის სიწმინდისა და მშობლების პატივისცემის დღესთან დაკავშირებით, მსვლელობა ზუგდიდის მუნიციპალიტეტშიც გაიმართა

ოჯახის სიწმინდის და მშობლების პატივისცემის დღესთან დაკავშირებით, სრულიად საქართველოს კათოლიკოს პატრიარქის ილია მეორის ლოცვა კურთხევით, საქართველოს მუნიციპალიტეტებში მსვლელობა გაიმართა. ამის შესახებ ინფორმაციას ზუგდიდის მერია ავრცელებს.

მათი ცნობით, ზუგდიდში მსვლელობა ვლაქერნის ყოვლადწმიდა ღმრთისმშობლის ტაძრიდან დაიწყო, მსვლელობის შემდეგ სამღვდელოებამ ზუგდიდის მთავარ მოედანთან აღმართულ ყოვლადწმიდა ღმრთისმშობლის მოზაიკურ ნიშასთან სამშვიდობო პარაკლისი აღევლინა.

საზეიმო მსვლელობას სამეგრელო-ზემო სვანეთის სახელმწიფო რწმუნებული გიორგი გუგუჩია, მისი მოადგილეები, ზუგდიდის მერი მამუკა წოწერია და ადგილობრივი ხელისუფლების სხვა წარმომადგენლები შეუერთდნენ.

„პატრიარქის ლოცვა-კურთხევით დღეს საქართველო აღნიშნავს ოჯახის სიწმინდისა და მშობლების პატივისცემის დღეს და როგორც ჩვენი ქვეყნის მოსახლეობის უმეტესი ნაწილი, ჩვენს რეგიონში აღვნიშნავთ ამ დღეს, პატივს მივაგებთ სწორედ ამ ორ უმნიშვნელოვანეს ღირებულებებს რასაც ჩვენი ოჯახი, მისი სიწმინდე და მშობლების პატივისცემა ჰქვია", - განაცხადა სახელმწიფო რწმუნებულმა.

„მინდა მთელ საქართველოს მივულოცო ოჯახური სიწმინდისა და მშობლების პატივისცემის დღე. ზუგდიდი უერთდება სიმრავლით ამ დღესასწაულს, ნიშნად ოჯახური სიწმინდის შეუვალობისა და ჩვენი დედ-მამის მიმართ უდიდესი მადლიერებისა! ოჯახი ეს გახლავთ, თითოეული ქართველისთვის ერთ-ერთი უდიდესი სიწმინდე და მას სჭირდება დაცვა. დავიცავთ ჩვენს ფასეულობებს და ფასეულობები დაგვიცავენ ჩვენ", - განაცხადა ზუგდიდის მერმა მამუკა წოწერიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს