ირაკლი ღარიბაშვილი ოპოზიციაზე - სად იყვნენ, თუ ეს დამატება მოხდა, რატომ იქვე არ მოახდინეს რეაგირება? ეს მიუთითებს, რომ არ არიან ჩართული საპარლამენტო საქმიანობაში და მათი მთავარი თემებია დესტრუქცია, არეულობა, სიგიჟე, ქაოსი

სად არიან ეს ადამიანები [ოპოზიცია], სად იყვნენ, თუ ეს დამატება მოხდა, რატომ იქვე არ მოახდინეს რეაგირება? ეს კიდევ ერთხელ მიუთითებს, რომ ისინი რეალურად არ არიან ჩართული საპარლამენტო საქმიანობაში და მათი მთავარი თემებია დესტრუქცია, არეულობა, სიგიჟე, ქაოსი,- ამის შესახებ „ქართული ოცნების“ თავმჯდომარე ირაკლი ღარიბაშვილმა ჟურნალისტებს განუცხადა, რითაც უპასუხა „უცხოური გავლენის გამჭვირვალობის“ კანონპროექტის საბოლო ვარიანტში ასახულ ცვლილებებთან დაკავშირებით დასმულ კითხვას.

მისი თქმით, თუ კანონპროექტში რაღაც დამატებები გაკეთდა, მსჯელობა მაშინ უნდა გამართულიყო.

ღარიბაშვილის შეფასებით, აღნიშნულ საკითხთან დაკავშირებით „კითხვები პარლამენტში უნდა დაისვას“.

„ერთი მხრივ, ხომ არის აბსურდული - ოპოზიცია პარლამენტში არის წარმოდგენილი საკმაოდ მრავალფეროვნად, არაერთი პარტიაა და ამ დროს, მოვისმინეთ განცხადებები, თურმე პოსტფაქტუმ იგებენ, რომ რაღაც დამატება იქნა შეტანილი. სად არიან ეს ადამიანები, სად იყვნენ, თუ ეს დამატება მოხდა, რატომ იქვე არ მოახდინეს რეაგირება? ეს კიდევ ერთხელ მიუთითებს იმაზე, რომ ისინი რეალურად არ არიან ჩართული საპარლამენტო საქმიანობაში, მათი მთავარი თემებია დესტრუქცია, არეულობა, სიგიჟე, ქაოსი, რაც მათ შემოაქვთ. მაშინ, თუ ეს დამატებები გაკეთდა, ესაუბრათ არგუმენტებით. მე დეტალებში არ ვარ გარკვეული, თუმცა რაც მოვისმინეთ, გასაგებია, რომ რაღაცებზე პრეტენზიებს გამოთქვამენ. ეს არის პრობლემა, რომ არ მოხდა მსჯელობა და, სამწუხაროდ, უკვე მიღებულ კანონზე ახლა გვიწევს მსჯელობა“, - აღნიშნა ღარიბაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს