გიორგი ვაშაძე - ეს კანონი თავიდან ბოლომდე რუსულია, ამიტომ უნდა გაუქმდეს, კოსმეტიკური ცვლილებით ვერ გაკეთილშობილდება და ვერ გახდება ევროპული - რაც შეიძლება სწრაფად უნდა ჩამოყალიბდეს დიდი პოლიტიკური ერთობა

აბსოლუტურად სწორია ის, რომ ეს კანონი თავიდან ბოლომდე რუსულია, ამიტომ ის უნდა გაუქმდეს და რაღაც კოსმეტიკური ცვლილებით ვერ გაკეთილშობილდება და ვერ გახდება ევროპული - სრული პასუხისმგებლობა “ქართულ ოცნებაზეა”, - ამის შესახებ „სტრატეგია აღმაშენებლის” ლიდერმა გიორგი ვაშაძემ “ინტერპრესნიუსს” პარლამენტთან მიმდინარე აქციაზე განუცხადა.

ვაშაძის თქმითვე, „პროტესტის მთავარი მნიშვნელობა არის ის, რომ ფხიზლად იყვნენ დასავლელი პარტნიორები, მუდმივი რყევა იყოს იმ რეჟიმის, რომელიც ქვეყანაშია დამყარებული და ასევე, მხარდაჭერა ყველა იმ ადამიანის, ვის წინააღმდეგაც გამოძიებას იწყებენ ან ფიზიკურად ესხმიან თავს”.

„პირველ რიგში, აბსოლუტურად სწორია ის, რომ ეს კანონი თავიდან ბოლომდე რუსულია, ამიტომ ის უნდა გაუქმდეს და რაღაც კოსმეტიკური ცვლილებით ვერ გაკეთილშობილდება და ვერ გახდება ევროპული. მეორე - „ქართული ოცნების” არგუმენტები ბოლომდე დასრულებულია, რადგან ქვეყნის შიგნით თუ გარეთ აბსოლუტური კონსენსუსია. მესამე - სრული პასუხისმგებლობა „ქართულ ოცნებაზეა”. საზოგადოებასაც მყარი პოზიცია აქვს ამ საკითხზე. ჩვენ გვჭირდება, კანონის ბედის მიუხედავად, დიდი ცვლილებები, რომ შევაბრუნოთ საქართველოს განვითარების მიმართულება ევროკავშირისკენ”, - განაცხადა გიორგი ვაშაძემ.

მისივე თქმით, რაც შეიძლება სწრაფად უნდა ჩამოყალიბდეს დიდი პოლიტიკური ერთობა, რომელიც დარაზმავს საქართველოს და ეროვნულ მუხტს გარდაქმნის გამარჯვების მუხტში.

„ოპოზიციას ერთმანეთთან კოორდინაცია აქვს. მესმის, რომ საზოგადოების დაკვეთაა, რომ საერთო ოპოზიციური ერთობა შედგეს, რომელიც ხალხთან ერთად გამარჯვებას მოუტანს საქართველოს. მე სრულად ვემხრობი ამას, რომ რაც შეიძლება სწრაფად ჩამოყალიბდეს დიდი პოლიტიკური ერთობა, რომელიც დარაზმავს საქართველოს და ამ ეროვნულ მუხტს გარდაქმნის გამარჯვების მუხტში, რომელიც აუცილებლად გვჭირდება არჩევნების დღეს”,- განაცხადა ვაშაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი