გიგა ოთხოზორიას დედა - ჩემი შვილის მკვლელი თავისუფლად დასეირნობს, შვილის საფლავთან ვდგავარ და მრცხვენია სურათს თვალებში შევხედო - ღმერთმა ქნას, ისევ არ მოვექცეთ რუსეთის კლანჭებში

ზუგდიდის მუნიციპალიტეტის სოფელ ხურჩაში, საოკუპაციო ხაზის მიმდებარედ ე.წ საზღვართან, 30 წლის საქართველოს მოქალაქის გიგა ოთხოზორიას მკვლელობიდან 8 წელი გავიდა.

იგი აფხაზმა ე.წ. მესაზღვრემ ცეცხლსასროლი იარაღიდან გასროლით მოკლა.

დღეს მის საფლავზე ოჯახის წევრები შეიკრიბნენ.

გიგა ოთხოზორიას დედის თქმით, მისი შვილის მკვლელი ამ დრომდე თავისუფლად დადის და მისი დასჯის იმედიც უკვე აღარ აქვს.

"8 წლის თავზე კიდევ არ მინდა გავიმეორო ის, რასაც ტელეეკრანის წინაშე ჩემი შვილის საფლავთან წელიწადში ორჯერ ვამბობ. მიუხედავად იმისა, რომ ახალგაზრდა იურისტთა ასოციაციის ძალისხმევით გიგას მკვლელობის საკითხი გავიდა სტრასბურგის სასამართლოზე და დადებითად გადაწყდა, ცნეს რუსული მხარე დამნაშავე პირად და გამოიტანეს შესაბამისი ბრძანებულებაც, მაგრამ 8 წლის მანძილზე ჩემი შვილის მკვლელი თავისუფლად დასეირნობს. ალბათ, კიდევ გავა წლები და ისევ, იგივე სურათი იქნება. შესაძლებელია, მე აქ არც ვიდგე. ჩემი შვილის საფლავთან ვდგავარ და მრცხვენია სურათს თვალებში შევხედო, იმიტომ, რომ რასაც ჩემი შვილი შეეწირა, ისეთი მოქმედებისთვის თბილისში ე. წ. სამართალდამცავები გამეტებით ებრძვიან ახალგაზრდებს თავიანთი სურვილის გამოხატვის გამო. არ უნდათ საქართველო რუსებს დაუთმონ. ღმერთმა ქნას ისე წავიდეს საქმე, რომ არ მოვექცეთ ისევ რუსეთის კლანჭებში“, - განაცხადა გიგა ოთხოზორიას დედამ, ჯულიეტა ჭანტურიამ.

ცნობისთვის, გიგა ოთხოზორია ე.წ. მესაზღვრემ რაშიდ კანჯი-ოღლიმ 2016 წლის 19 მაისს, დაახლოებით, 15:00 საათზე, ხურჩა-ნაბაკევის ე.წ. საზღვართან, საქართველოს მიერ კონტროლირებად ტერიტორიაზე ცეცხლსასროლი იარაღიდან გასროლით მოკლა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი