საქართველოს ტექნიკური უნივერსიტეტის ბიზნესტექნოლოგიების ფაკულტეტის სტუდენტებს სახელობითი სტიპენდიები დაენიშნათ

საქართველოს ტექნიკური უნივერსიტეტის რექტორის, აკადემიკოს დავით გურგენიძის ინიციატივითა და მხარდაჭერით, ბიზნესტექნოლოგიების ფაკულტეტის წარმატებულ სტუდენტებს უნივერსიტეტმა სახელობითი სტიპენდია დაუნიშნა.

ამის შესახებ ინფორმაციას საქართველოს ტექნიკური უნივერსიტეტი ავრცელებს.

მათივე ცნობით, ბიზნესტექნოლოგიების ფაკულტეტის საბჭოს გადაწყვეტილებით საბაკალავრო საფეხურის სამ სტუდენტს სამი სახელობითი - დავით სარაჯიშვილის, ნიკო ნიკოლაძის და აკაკი ხოშტარიას საფაკულტეტო სტიპენდიები დაენიშნათ.

სტუ-ის ბიზნესტექნოლოგიების ფაკულტეტის დეკანის, პროფესორ რუსუდან ქუთათელაძის თქმით, საფაკულტეტო სტიპენდია ენიშნება მაღალი აკადემიური მოსწრების სტუდენტს, რომელსაც სესიების შედეგების მიხედვით აქვს მაღალი რეიტინგი (91%-ის ზემოთ ყველა საგანში) და ამასთანავე, აქტიურად მონაწილეობს სხვადასხვა სახის კონფერენციებში, ვორქშოპებსა და ტრენინგებშია ჩართული.

„ვულოცავ ბიზნესტექნოლოგიების ფაკულტეტის სტუდენტებს, თამარ ოთინაშვილს - დავით სარაჯიშვილის სახელობითი საფაკულტეტო სტიპენდიის, ლუკა ხაჩიძეს - ნიკო ნიკოლაძის, ხოლო გიორგი დაგარგულიას - აკაკი ხოშტარიას სახელობითი საფაკულტეტო სტიპენდიის მოპოვებას. საფაკულტეტო სტიპენდია განისაზღვრება ყოველთვიურად - 200 ლარის ოდენობით და გაიცემა 5 თვის განმავლობაში. საქართველოს ტექნიკური უნივერსიტეტის რექტორის მთავარი მიზანი სტუდენტისთვის მაღალი სტანდარტის სწავლა-სწავლების პროცესის შეთავაზება და კარიერული წინსვლის მიმართულებით ხელშეწყობაა. შესაბამისად, საფაკულტეტო სტიპენდიის პროგრამის, რომელიც ყოველწლიურად ხორციელდება, მიზანია მაღალი აკადემიური მოსწრების მქონე სტუდენტების წახალისება. მადლობას ვუხდით, აკადემიკოს დავით გურგენიძეს მხარდაჭერისთვის, სტუდენტებს კი წარმატებებს ვუსურვებ“, - განაცხადა რუსუდან ქუთათელაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს