ევროპის მოედანზე „უცხოური გავლენის გამჭვირვალობის შესახებ“ კანონპროექტის წინააღმდეგ სტუდენტები აქცია-პერფორმანსს - „ხელი ჩავკიდოთ გამარჯვებისთვის!“ მართავენ

თბილისში, ევროპის მოედანზე „უცხოური გავლენის გამჭვირვალობის შესახებ“ კანონპროექტის გასაპროტესტებლად სხვადასხვა უნივერსიტეტის სტუდენტები აქცია-პერფორმანსს მოწოდებით - „ხელი ჩავკიდოთ გამარჯვებისთვის!“ მართავენ.

აქციის მონაწილეებს ევროპის მოედანზე ცოცხალი ჯაჭვი აქვთ შეკრული.

მანიფესტანტებს თან მოტანილი აქვთ, ევროკავშირის და საქართველოს დროშები.

ადგილზე საქართველოსა და ევროკავშირის ჰიმნები გაჟღერდა.

“პირველები სტუდენტები ვიყავით, რომლებმაც პროტესტის ახალ ფორმას მივმართეთ. ასევე, სტუდენტები ვაპირებთ, რომ პროტესტის ტალღა არ შევწყვიტოთ. ევროპის მოედანზეც ხელის ჩაკიდებაც არის სიმბოლური. იმიტომ, რომ ჩვენ ერთიანი ძალებით, ერთად ხელჩაკიდებულები მივდივართ ევროპისკენ. ევროპისკენ სიარულში ხელს გვიშლის ის კანონი, რომელსაც ჩვენ დავარქვით და მკაფიოდ არის რუსული. ამიტომ არ შევწყვეტ პროტესტის ტალღას, ვიდრე მსგავსი პრობლემა ქვეყანაში იქნება და ეს კანონი იარსებებს”, - განაცხადა სტუდენტმა, ლიზა კვაჭაძემ.

აქციის მონაწილეებმა ევროპის მოედნიდან მშვიდობის ხიდზე გადაინაცვლეს, სადაც ევროკავშირის და საქართველოს დროშები გადმოფინეს. ისინი სკანდირებენ სიტყვებს: “საქართველოს გაუმარჯოს”, “არა რუსულ კანონს”, “საქართველო”, “სად მივდივართ? - ევროპაში!”.

შეგახსენებთ, რომ 14 მაისს, „უცხოური გავლენის გამჭვირვალობის შესახებ“ კანონპროექტი პარლამენტმა მესამე მოსმენით 84 ხმით მიიღო, წინააღმდეგ ხმა 30 დეპუტატმა მისცა. აღნიშნულ კანონს გუშინ საქართველოს პრეზიდენტმა ვეტო დაადო.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი