მედია - ირანის პრეზიდენტის ვერტმფრენის ჩამოვარდნის ადგილზე გადარჩენილი ვერავინ იპოვეს

ირანის პრეზიდენტ ებრაჰიმ რაისის ვერტმფრენის ჩამოვარდნის ადგილზე გადარჩენილი ვერავინ იპოვეს, - ინფორმაციას CNN-ი ირანულ მედიაზე დაყრდნობით ავრცელებს.

ამასთან, სააგენტო Reuters-ს ოფიციალურმა პირმა განუცხადა, რომ ვერტმფრენის ყველა მგზავრი დაღუპულია.

„პრეზიდენტ რაისის ვერტმფრენი მთლიანად დაიწვა. სამწუხაროდ, ყველა მგზავრი დაღუპულია“, - განუცხადა Reuters-ს წყარომ.

მანამდე გავრცელდა ინფორმაცია, რომ სამძებრო-სამაშველო ჯგუფებმა იმ ვერტმფრენის ჩამოვარდნის ადგილი დაადგინეს, რომელშიც 9 ადამიანი, მათ შორის ირანის პრეზიდენტი ებრაჰიმ რაისი და საგარეო საქმეთა მინისტრი, ჰოსეინ ამირ აბდოლაჰიანი იმყოფებოდა.

ირანის სასამართლო სისტემის ყოფილი ხელმძღვანელი, ებრაჰიმ რაისი ქვეყნის მერვე პრეზიდენტად 2021 წლის საპრეზიდენტო არჩევნებში აირჩიეს. მისი წინამორბედისგან, ყოფილ პრეზიდენტ ჰასან როჰანისგან განსხვავებით, ებრაჰიმ რაისმა მჭიდრო ურთიერთობა ჩამოაყალიბა ირანის უზენაეს ლიდერთან, ალი ხამენეისთან. ირანში ბევრი თვლიდა, რომ მას, შესაძლოა, მომავალში ხამენეი ჩაენაცვლებინა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი