შალვა პაპუაშვილი - საქართველოს მიმართ დამოკიდებულება ქედმაღლურია - ის, რაც მისაღებია ევროკავშირისთვის, რატომღაც ჩვენთვის არ უნდა იყოს - უსაფრთხო გარემო რომ შევინარჩუნოთ, საჭიროა უცხოური გავლენის გამჭვირვალობა

ჩვენს გარშემო პროცესებს ხედავთ, ფაქტობრივად ცეცხლის რკალშია საქართველო და იმისთვის, რომ საქართველოში უსაფრთხო გარემო შევინარჩუნოთ, საჭიროა, ნებისმიერი უცხოური გავლენა ქართველი ხალხისთვის გამჭვირვალე იყოს, - ამის შესახებ პარლამენტის თავმჯდომარემ შალვა პაპუაშვილმა განაცხადა.

როგორც ის განმარტავს, პოლიტიკურ პროცესებში ჩარევის ფაქტები უცხოური გავლენის შეზღუდვის საჭიროებას აჩვენებს.

„სხვა დროსაც მითქვამს, რომ სამწუხაროდ, ზოგიერთი [უცხოელი] პოლიტიკოსის მხრიდან საქართველოს მიმართ დამოკიდებულება ქედმაღლურია. ის, რაც მისაღებია ევროკავშირისთვის, ან ევროპული ქვეყნებისთვის, რატომღაც, საქართველოსთვის მისაღები არ უნდა იყოს. სამწუხარო დამოკიდებულებაა, ეს იმას აჩვენებს, რომ სხვებს რაღაც უფლება აქვთ და ამ უფლებას თითქოს, ჩვენ არ გვაძლევენ. თავის მხრივ, ეს უცხოური გავლენის შეზღუდვის საჭიროებას აჩვენებს იმ მხრივ, რომ როდესაც პოლიტიკურ პროცესებში ჩარევა ხდება, ამისთვის საჭიროა, გამჭვირვალობის გარკვეული დონე იყოს და მავნე ჩარევა შეიზღუდოს. თავად ურსულა ფონ დერ ლაიენი არის ევროკომისიის პრეზიდენტი და შესაბამისად, ევროკომისიის ინიციატივაა ის დირექტივა, რომელიც ევროკავშირში უცხოური გავლენის გამჭვირვალობის საკითხებს ეხება. ამიტომ, ეს გარკვეულწილად აჩვენებს საქართველოს მიმართაც ფარისევლურ დამოკიდებულებას, როდესაც ვხედავთ, რომ ევროკავშირში დირექტივა მუშავდება, საფრანგეთი კანონს იღებს, ამერიკაში, ისრაელში [კანონი] მოქმედებს, ყველა ქვეყანა ფიქრობს ამაზე, ბევრი ქვეყანა დაფიქრდა, ამიტომაც მიდის ერთიანი დირექტივის შემუშავება, რომელიც დაავალდებულებს მათ შორის, ევროკავშირის წევრ ქვეყნებს, არჩევანი კი არ ექნებათ, ვალდებულება ექნებათ, უცხოური გავლენის გამჭვირვალობა უზრუნველყონ. ამ პროცესის ნაწილია საქართველო, რომელსაც თავისი გამოწვევები აქვს, ჩვენს გარშემო პროცესებს ხედავთ, ფაქტობრივად ცეცხლის რკალშია საქართველო და იმისთვის, რომ საქართველოში უსაფრთხო გარემო შევინარჩუნოთ, საჭიროა, ნებისმიერი უცხოური გავლენა ქართველი ხალხისთვის გამჭვირვალე იყოს“, - განაცხადა პაპუაშვილმა.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი