ევროპული საბჭოს პრეზიდენტის, შარლ მიშელის განცხადებით, ევროკავშირი გულწრფელ მწუხარებას გამოხატავს ირანის პრეზიდენტის, ებრაჰიმ რაისისა და საგარეო საქმეთა მინისტრის, ჰოსეინ ამირ-აბდოლაჰიანის დაღუპვის გამო.

„ევროკავშირი გულწრფელ მწუხარებას გამოხატავს ვერტმფრენის კატასტროფის შედეგად პრეზიდენტ რაისისა და საგარეო საქმეთა მინისტრ აბდოლაჰიანის, ასევე მათი დელეგაციის სხვა წევრებისა და ეკიპაჟის დაღუპვის გამო. ჩვენი ფიქრები ოჯახებთან არის“, - წერს მიშელი სოციალურ ქსელში.

ირანის სახელმწიფო ტელევიზია იუწყება, რომ ირანის პრეზიდენტი, ქვეყნის საგარეო საქმეთა მინისტრთან ერთად, ირანის პროვინცია აღმოსავლეთ აზერბაიჯანში ვერტმფრენის ჩამოვარდნის შედეგად დაიღუპა.