ეუთო/ოდირმა უნდა შეისწავლოს არსებული სიტუაცია და აქედან გამომდინარე მიიღოს გადაწყვეტილება იმასთან დაკავშირებით, თუ რა ფორმით დააკვირდება არჩევნებს, - ამის შესახებ საპარლამენტო ფრაქცია “ერთიანი ნაციონალური მოძრაობის” თავმჯდომარემ, თინა ბოკუჩავამ ეუთო/ოდირის საჭიროებების შეფასების მისიის წარმომადგენლებთან შეხვედრის შემდეგ განაცხადა.

ბოკუჩავას თქმით, მნიშვნელოვანია რომ მისია გამოიგზავნოს ადრეულ ეტაპზე იმისთვის, რომ დააკვირდნენ წინასაარჩევნო პროცესს და უზრუნველყოს ის, რომ არჩევნებმა ქართველი ხალხის ნება ასახოს.

“ეს არის ეუთო/ოდირის საჭიროებების შეფასების მისია, როდესაც ეუთო/ოდირმა უნდა შეისწავლოს არსებული სიტუაცია და აქედან გამომდინარე მიიღოს გადაწყვეტილება იმასთან დაკავშირებით, თუ რა ფორმით დააკვირდება არჩევნებს. მე დარწმუნებული, რომ იმ შემაძრწუნებელი მოცემულობიდან გამომდინარე, რაც ივანიშვილმა საქართველოში შექმნა, იმ ძალადობიდან გამომდინარე, რასაც ყოველდღე ვხედავთ, ეუთო/ოდირი საქართველოში გამოგზავნის უპრეცედენტოდ დიდ მისიას. მნიშვნელოვანია, რომ მისია გამოიგზავნოს ადრეულ ეტაპზე იმისთვის, რომ დააკვირდნენ წინასაარჩევნო პროცესს და უზრუნველყოს ის, რომ არჩევნებმა ქართველი ხალხის ნება ასახოს და ქართველი ხალხის ნების ასახვა უტყუარად გამოიწვევს ხელისუფლების ცვლილებას საქართველოში”, - განაცხადა ბოკუჩავამ.