შალვა პაპუაშვილი - რანაირი სტანდარტია, როცა ევროკავშირი კანდიდატ ქვეყანაში ფარულად აფინანსებს პოლიტიკურ პარტიებს და რადიკალურ ჯგუფებს? რატომ არ აკეთებენ არაფერს ამ ქვეყნების საელჩოები, რომ ეს ფული გამჭვირვალე იყოს?

გერმანიაში ლობისტების რეესტრი არსებობს და უფრო მეტ ინფორმაციასაც ასაჯაროებს, ვიდრე ჩვენი კანონით არის მოთხოვნილი. საფრანგეთს სისხლის სამართლის პასუხისმგებლობა შემოაქვს და მათ შორის მიყურადების შესაძლებლობასაც კი იძლევიან გარკვეულ შემთხვევაში, - ამის შესახებ საქართველოს პარლამენტის თავმჯდომარემ შალვა პაპუაშვილმა "უცხოური გავლენის გამჭვირვალობის" შესახებ კანონთან დაკავშირებით ჟურნალისტებთან განაცხადა.

როგორც მან აღნიშნა, ესეც აჩვენებს, რომ ზოგიერთი ასე უყურებს სამყაროს, რომ რაც მისაღებია იუპიტერისთვის, არ არის მისაღები ხარისთვის და სამწუხაროდ ზოგიერთებს ჩვენ ხარი, საკუთარი თავი კი იუპიტერი ჰგონიათ.

მისი თქმით, მათ აქვთ კითხვა პირიქით ევროკავშირის მიმართ, თუ რატომ იხარჯება მათ შორის გერმანელი და ფრანგი გადასახადების გადამხდელთა ფული ევროპული ფონდების გამოყენებით ფარულად საქართველოში?

,,საქართველოს ერთ-ერთი გამოწვევა სწორედ ის არის, რომ მათ შორის გერმანელი და ფრანგი გადასახადების გადამხდელთა ფულით საქართველოში ევროპული ფონდების მეშვეობით ფარულად ფინანსდებიან პოლიტიკური პარტიები და რადიკალური ჯგუფები, როცა ჩვენ ვხედავთ ევროკავშირის წევრი ქვეყნების მოწოდებებს, კითხვა პირიქით გვაქვს, რატომ იხარჯება მათ შორის გერმანელი და ფრანგი გადასახადების გადამხდელთა ფული ევროპული ფონდების გამოყენებით ფარულად საქართველოში? ეს კითხვა მე რამდენჯერმე დავსვი და სამწუხაროდ, საუბრების დროს ამაზე არის გარკვეული აღიარებები, რომ იყო პროექტები, რომლითაც რადიკალური ჯგუფები ფინანსდებოდა, მაგალითად ეს იყო „დროა“, „სირცხვილია“, - ფინანსდებოდნენ ევროკავშირის ფონდების გამოყენებით ფარულად საქართველოში. რატომ არ აკეთებენ არაფერს ამ ქვეყნების საელჩოები, რომ ეს ფული გამჭვირვალე იყოს? რანაირი სტანდარტია, როდესაც ევროკავშირი პარტნიორ კანდიდატ ქვეყანაში ფარულად აფინანსებს პოლიტიკურ პარტიებს და რადიკალურ ჯგუფებს. ეს არის ევროკავშირის ფული, რომელიც ევროპის დემოკრატიის ფონდის მეშვეობით იხარჯება. ზუსტად ეს ფონდი გაეხვა სკანდალში, როდესაც აღმოჩნდა, რომ ეს ადამიანები იხდიდნენ იმ ადამიანების ჯარიმებს, რომლებიც პოლიციელებს და პარლამენტს ესხმოდნენ თავს. ახლაც მიდის პროცესები და უნდა დაინტერესდნენ ენჯეოები, რომ შემთხვევით ამ სამართალდამრღვევთა ჯარიმებს ხომ არ იხდის ევროკავშირი და ევროკავშირის ფულით ხომ არ ხდება მოძალადეთა წახალისება. ასე რომ კითხვები ჩვენს მიმართ კი არ არის, ჩვენ გვაქვს კითხვები ევროკავშირის და მისი წევრი ქვეყნების მიმართ, რატომ ხდება საქართველოში ფარულად პოლიტიკური პარტიებისა და რადიკალური ჯგუფების დაფინანსება? ზუსტად აქ ჩანს ის, რომ ევროკავშირში ზოგიერთ პოლიტიკოსს აქვს პრობლემა, რომ არ გახდეს ცხადი, თუ როგორ ფინანსდება მავნე გავლენები საქართველოში“, - განაცხადა შალვა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024