აჭარის მთავრობის თავმჯდომარემ, თორნიკე რიჟვაძემ მოსწავლეებს სწავლის დასრულება მიულოცა და ცხოვრების ახალ ეტაპზე წარმატებები უსურვა.

„ვულოცავ სკოლის დამთავრებას ჩვენს ახალგაზრდებს, ჩვენს მომავალ თაობას.

დღევანდელი დღე ერთ-ერთი გამორჩეულია თქვენს ცხოვრებაში, რომლის შემდეგაც იწყება ცხოვრების ახალი, შესაძლებლობებით სავსე ეტაპი.

გისურვებთ წარმატებას თქვენს მიერ არჩეულ გზაზე და დარწმუნებული ვარ, რომ მიღებული ცოდნა და გამოცდილება საქართველოს წინსვლას და განვითარებას მოხმარდება. სახელმწიფო განაგრძობს თქვენთვის ყველა აუცილებელი პირობის უზრუნველყოფას.

ვულოცავ დღევანდელ დღეს პედაგოგებს, კურსდამთავრებულთა მშობლებს, ყველას, ვინც მნიშვნელოვანი წვლილი შეიტანა ჩვენი ახალგაზრდების აღზრდასა და განათლებაში“, - განაცხადა თორნიკე რიჟვაძემ.

აღნიშნულ ინფორმაციას აჭარის მთავრობა ავრცელებს.