პაატა მანჯგალაძე - საუბარი დაიწყეს გლობალური ომის პარტიაზე, შეთქმულებებზე, ზოგი მასონებს ახსენებს - იმედია მაკრონს და შოლცს არ გამოაცხადებენ გლობალური ომის ძალების წარმომადგენლებად

იმედია მაკრონს და შოლცს არ გამოაცხადებენ გლობალური ომის ძალების წარმომადგენლებად. ეს არის ორი მთავარი ევროპული ზესახელმწიფო, რომელიც საქართველოს მეგობარია და ვერავინ იტყვის, რომ ისინი საქართველოში რომელიმე პარტიას ან საქართველოში არეულობას და ქაოსს უჭერენ მხარს, - ამის შესახებ „სტრატეგია აღმაშენებლის“ დეპუტატმა, პაატა მანჯგალაძემ ჟურნალისტებთან განაცხადა, რითაც საფრანგეთის პრეზიდენტ ემანუელ მაკრონისა და გერმანიის კანცლერ ოლაფ შოლცის ერთობლივ განცხადებას გამოეხმაურა.

მისივე თქმით, „ქართული ოცნებისთვის“ გამარჯობის მთქმელი და ხელის ჩამომრთმევი ევროპაში აღარავინ დარჩა.

„ახლა რასაც ვხედავთ, ჩვენ ივანიშვილის პარანოიის და სიგიჟის ზღვარზე ვართ. იცით, რომ საუბარი დაიწყეს რაღაც გლობალური ომის პარტიაზე, შეთქმულებებზე, ზოგი მასონებს ახსენებს. იმედია მაკრონს და შოლცს არ გამოაცხადებენ გლობალური ომის ძალების წარმომადგენლებად. ეს არის ორი მთავარი ევროპული ზესახელმწიფო, რომელიც საქართველოს მეგობარია და ვერავინ იტყვის, რომ ისინი საქართველოში რომელიმე პარტიას ან საქართველოში არეულობას და ქაოსს უჭერენ მხარს. ასეთ რამეს ხომ ვერავინ იკადრებს? ამიტომ ხომ გამოჩნდა, რომ ეს კანონი საქართველოს მეგობრებს გარეთ ტოვებს. „ჩვენც ევროპა გვინდა” - ფარისევლურად რომ ამბობს “ქართული ოცნება”. “ოცნებისთვის” გამარჯობის მთქმელი და ხელის ჩამომრთმევი არ დარჩა არავინ ევროპაში და ამ კანონით ევროკავშირში როგორ შევდივართ, ვის ატყუებთ, თაღლითებო?“, - აღნიშნა მანჯგალაძემ.

ცნობისთვის, საფრანგეთის პრეზიდენტმა, ემანუელ მაკრონმა და გერმანიის კანცლერმა, ოლაფ შოლცმა ერთობლივი განცხადება გაავრცელეს, სადაც აღნიშნულია, რომ გერმანია და საფრანგეთი, საქართველოში შექმნილი სიტუაციით ღრმად შეშფოთებულები არიან.

საფრანგეთისა და გერმანიის ლიდერები აცხადებენ, რომ „საქართველოს ევროპული გზა გაწერილია - მაგრამ წინსვლის სიჩქარე და მიმართულება საქართველოზეა დამოკიდებული“.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024