ბექა ოდიშარია - მაინც მიმაჩნია, რომ ჩვენი მყარი პარტნიორები და საქართველოს ჭეშმარიტი მეგობრები ასეთ ნაბიჯებს არ გადადგამენ და სანქციები კვლავ დარჩება სალომე სამადაშვილის და მისნაირი პოლიტიკოსების ზმანებად

საქართველოს პრეზიდენტს რბილად ვიტყვი, არ აქვს უფლება, პრეამბულაში ჩაწეროს, რომ ეს კანონი არის პრორუსული თუ ის არ მოიყვანს რკინისებურ არგუმენტებს - მოვუწოდებ სალომე ზურაბიშვილს, როდესაც ზედა პალატა დაიწყებს მუშაობას ანალოგიურ კანონპროექტზე, ვგულისხმობ საფრანგეთს, შეუთვალოს და ურჩიოს, რომ ვეტო დაადოს ბატონმა მაკრონმა ამ კანონპროექტს, რომელშიც სხვათა შორის, არის ძალიან კაბალური პირობები, მკვეთრად არის ასახული ის სანქციები, რომლებიც შეიძლება გამოწვეული იყოს ამ კანონის არ შესრულების გამო, - ამის შესახებ საპარლამენტო უმრავლესობის წევრმა, ბექა ოდიშარიამ განაცხადა.

დეპუტატის თქმით, „ასეთი აბსოლუტურად უსარგებლო, უპასუხისმგებლო მოტივაციით წარმოდგენილი ვეტო აუცილებლად დაიძლევა“.

„შეცდომა დიდი ცოდვა არ არის, მაგრამ ტყუილი დიდი ბოროტებაა. რუსულის წოდება ამ კანონისათვის დიდი ბოროტებაა. ეს არის მარცვლის ჩადება იმისათვის, რომ თუ ოდესმე ეს ხალხი რევანშით მოვა ხელისუფლებაში, მერე ყველა პრორუსი დილეგებში ჩაყარონ.

მიმაჩნია, რომ ნებისმიერ აქტივისტს, მოტყუებულ და გულანთებულ ახალგაზრდას, მილიონერ „ენჯეოშნიკებს” და მათ ხელისწამკვრელებს აქვთ უფლება, რომ უპასუხისმგებლო განცხადებები გააკეთონ და ყოველგვარი არგუმენტაციის გარეშე რუსული უწოდონ ამ კანონს, მაგრამ საქართველოს პრეზიდენტს რბილად ვიტყვი, არ აქვს უფლება, პრეამბულაში ჩაწეროს, რომ ეს კანონი არის პრორუსული თუ ის არ მოიყვანს რკინისებურ არგუმენტებს. მხოლოდ იმის დამატება დასაბუთებულ შენიშვნებში და ასეთია სწორედ ვეტო, რომ კანონი ერთი დღით იმოქმედებს, არ ვიცი ქართველ ხალხს დასცინის, თავის პოლიტიკურ კარიერას იკეთებს თუ რას სჩადის, წარმოდგენა არ მაქვს. ვეტო ყველა შემთხვევაში დაიძლევა, მითუმეტეს, ასეთი აბსოლუტურად უსარგებლო, უპასუხისმგებლო მოტივაციით წარმოდგენილი.

მოვუწოდებ სალომე ზურაბიშვილს, როდესაც ზედა პალატა დაიწყებს მუშაობას ანალოგიურ კანონპროექტზე, ვგულისხმობ საფრანგეთს, შეუთვალოს და ურჩიოს, რომ ვეტო დაადოს ბატონმა მაკრონმა ამ კანონპროექტს, რომელშიც სხვათა შორის, არის ძალიან კაბალური პირობები, მკვეთრად არის ასახული ის სანქციები, რომლებიც შეიძლება გამოწვეული იყოს ამ კანონის არ შესრულების გამო. მათ შორის ნახსენებია პირდაპირ აშშ, რომლის შიშიც აქვთ გარკვეული ეკონომიკური ინტერვენციისდა გამო. ქალბატონმა ზურაბიშვილმა ბატონ მაკრონს მაშინ ურჩიოს, რომ ვეტო დაადოს“, - განაცხადა ბექა ოდიშარიამ.

გარდა ამისა, ბექა ოდიშარია გამოეხმაურა სანქციებთან დაკავშირებულ ინფორმაციას.

„მაინც მიმაჩნია, რომ ჩვენი მყარი პარტნიორები და საქართველოს ჭეშმარიტი მეგობრები ასეთ ნაბიჯებს არ გადადგამენ და ეს დარჩება კვლავ ზმანებად სალომე სამადაშვილის და მისნაირი პოლიტიკოსების, რომლებიც ჯერ როდის გვიწინასწარმეტყველებდნენ კანდიდატის სტატუსის მიღებამდე და როდის ნატრულობდნენ იმას, რომ ეს სტატუს - კვო დამდგარიყო. ვფიქრობ, რომ ყველანაირად მეგობრულად მოგვიდგებიან, როგორც აქამდე გვიდგებოდნენ, პარტნიორულად. სწორად და ჯანსაღად გაანალიზებენ და ჩემგან ჭკუა არ ესწავლებათ ჩვენს სტრატეგიულ პარტნიორებს თუ რა ტურბულენტურ რეგიონში ვართ, რამდენად მნიშვნელოვანია დამოუკიდებელი და ძლიერი საქართველო მათ შორის მათთვის”,- აღნიშნა ოდიშარიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024