ალექსანდრე ლიტვინენკო - უკრაინა აცნობიერებს, რომ ომი მოლაპარაკებებით დასრულდება, ამიტომ მოამზადა და ხელს უწყობს პრეზიდენტ ვოლოდიმირ ზელენსკის სამშვიდობო ფორმულას

უკრაინის ეროვნული უსაფრთხოებისა და თავდაცვის საბჭოს მდივნის, ალექსანდრე ლიტვინენკოს განცხადებით, უკრაინა აცნობიერებს, რომ ომი მოლაპარაკებებით დასრულდება, ამიტომ მოამზადა და ხელს უწყობს პრეზიდენტ ვოლოდიმირ ზელენსკის სამშვიდობო ფორმულას.

„უკრაინას ნათლად ესმის, რომ ომი მოლაპარაკებებით დასრულდება. სწორედ ამიტომ მომზადდა პრეზიდენტ ზელენსკის სამშვიდობო ფორმულა. ჩვენი პოზიცია ძალიან მარტივია და დარწმუნებული ვარ, რომ მას მხარს დაუჭერენ სამშვიდობო სამიტის მონაწილეები, რომელიც 2024 წლის ივნისში შვეიცარიაში გაიმართება. ეს არის ნამდვილი დიპლომატიური გზა, რომელსაც აქვს ყველა შანსი, ხელი შეუწყოს სამართლიანი მშვიდობის მიღწევას“, - აღნიშნა ლიტვინენკომ.

მისი თქმით, უკრაინას სჭირდება „არა ზავი 2 წლის განმავლობაში, არამედ მდგრადი მშვიდობა ათწლეულების განმავლობაში, რაც შესაძლებელს გახდის უკრაინის განვითარებას“.

მან ასევე იმედი გამოთქვა, რომ ვაშინგტონში დაგეგმილ ნატო-ს სამიტზე უკრაინა ალიანსში მიწვევას მიიღებს.

„გვესმის, რომ გაწევრიანება ხვალ არ მოხდება, მაგრამ მოწვევა რუსეთის ფედერაციაში ბევრ ცხელ თავს გააცივებს. ეს ხელს შეუწყობს დეესკალაციას და არ იქცევა კონფრონტაციულ ნაბიჯად. 2008 წლის ბუქარესტის სამიტის გამოცდილებამ ნათლად დაამტკიცა, პუტინთან ურთიერთობაში აშკარა სიზუსტე ასტაბილურებს სიტუაციას და მისი არარსებობა კი რუსეთს პროვოცირებას უწევს რუსეთის მიერ აგრესიული ნაბიჯების გადადგმას“, - აღნიშნა უკრაინის ეროვნული უსაფრთხოებისა და თავდაცვის საბჭოს მდივანმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს