გიგა ბოკერია - თავისუფალი სამყარო ბოროტებასთან და მის ვასალებთან ბრძოლაში საქართველოს მხარდასაჭერად აუცილებლად ერთიანი იქნება

თავისუფალი სამყარო ბოროტებასთან და მის ვასალებთან ბრძოლაში საქართველოს მხარდასაჭერად აუცილებლად ერთიანი იქნება, - ამის შესახებ „ევროპული საქართველოს“ თავმჯდომარე, გიგა ბოკერიამ განაცხადა.

ბოკერია გამოეხმაურა „პოლიტიკოს“ ინფორმაციას, რომლის თანახმად, ამერიკის შეერთებული შტატების კონგრესს წარედგინება კანონპროექტი, რომლითაც საქართველოში რუსული სტილის „უცხოური აგენტების“ წარდგენაზე პასუხისმგებელ პირებს აქტივების გაყინვა და მოგზაურობის აკრძალვა ემუქრებათ.

როგორც ბოკერიამ აღნიშნა, თავისუფალი სამყაროს მიერ გადადგმული ყველა ნაბიჯი საქართველოში მოქალაქეების პროტესტის დამსახურებაა.

მისივე თქმით, მნიშვნელოვანია, რომ პროტესტი გაგრძელდეს საბოლოო მიზნის მიღწევამდე - „ივანიშვილის რეჟიმის ძალაუფლებიდან ჩამოცილებამდე“.

„ივანიშვილის პროპაგანდა, პუტინის რუსეთის მსგავსად, ხშირად ცდილობდა საზოგადოების ნაწილის დაბნევას, რომ თითქოს ტრამპი დაბრუნდება და ლიბერალური პოლიტიკა შეწყდება დასავლეთიდან, სინამდვილეში კი ამ ინიციატივის მთავარი ავტორი, კონგრესმენი ვილსონი ტრამპთან პოლიტიკურად დაახლოებული პირი და მისი კამპანიის ყველაზე აქტიური მონაწილეა.

ასე რომ, თავისუფალი სამყარო ბოროტებასთან და მის ვასალებთან ბრძოლაში საქართველოს მხარდასაჭერად აუცილებლად ერთიანი იქნება“, - განაცხადა გიგა ბოკერიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024