თაკო ჩარკვიანი - ოპოზიციის ერთობა დომინანტობის გარეშე უნდა იყოს, დიდ ოლიგარქს პატარა ოლიგარქებით არ შევცვლით

პოლიტიკა პოლიტიკის გარეშე არ გამოდის, მაგრამ დომინირებითა და თითის ქნევით ახალგაზრდებს არ ვჭირდებით - ოპოზიციის ერთობაც დომინანტობის გარეშე უნდა იყოს, დიდ ოლიგარქს პატარა ოლიგარქებით არ შევცვლით, - ამის შესახებ ოპოზიციონერმა დეპუტატმა თაკო ჩარკვიანმა „პალიტრანიუსის“ გადაცემა „360 გრადუსში“ აღნიშნა.

ასევე, მისივე თქმით, „უცხოური გავლენის გამჭვირვალობის შესახებ“ კანონპროექტთან დაკავშირებით მმართველი პარტია პრეზიდენტის ვეტოს დაძლევს, რადგან მათ ამ კანონის მიღება გადაწყვეტილი აქვთ.

გარდა ამისა, ის გამოეხმაურა ამერიკის შეერთებული შტატების კონგრესის კანონპროექტს, რომლითაც საქართველოში რუსული სტილის „უცხოური აგენტების“ წარდგენაზე პასუხისმგებელ პირებს აქტივების გაყინვა და მოგზაურობის აკრძალვა ემუქრებათ. თაკო ჩარკვიანის თქმით, „ქართული ოცნება“ ევროპასთან შესაძლებლობებზე უარს ამბობს და ამერიკასთან ურთიერთობის შესაძლებლობებზეც უარს იტყვის.

„ვფიქრობ, რომ „ქართული ოცნება“ კიდევ რაღაცას მოიმიზეზებს. ახლა ქვეყანას შესაძლებლობები ეხსნება და მაშინ, როცა ევროპასთან შესაძლებლობაზე, ფაქტობრივად, უარს ამბობ, ამერიკასთან შესაძლებლობებზეც უარს იტყვი.

არაერთ პოლიტიკურ პარტიას ჰქონდა მცდელობა თავისი ლოზუნგები დაეფიქსირებინა, მაგრამ ახალგაზრდებმა არავინ არ მიუშვეს. მე ვემხრობი იმას, რომ იქ პოლიტიკოსები იდგნენ. პოლიტიკა პოლიტიკის გარეშე არ გამოდის, მაგრამ დასკვნა უნდა გამოვიტანოთ, რომ დომინირებითა და თითის ქნევით ახალგაზრდებს არ ვჭირდებით. რიგით ჯარისკაცად უნდა გაუმთლიანდე ახალგაზრდულ მოძრაობას და ვიყოთ პოლიტიკური სპექტრი. ახალგაზრდები გრძნობენ, რომ ეს რეალურად რუსეთ-საქართველოს ბრძოლაა. ახლა მართლა სირბილისა და გაერთიანების დროა. გაერთიანებაში სალომე ზურაბიშვილსაც ვხედავ, მაგრამ ის აქაც ძალიან ფრთხილად უნდა იყოს. 200 000 ადამიანი ერთი თვეა ყოველდღიურად გამოდის გარეთ და პრეზიდენტისგან უფრო მასშტაბურ ნაბიჯებს მოველი. ოპოზიციის ერთობაც დომინანტობის გარეშე უნდა იყოს, დიდ ოლიგარქს პატარა ოლიგარქებით არ შევცვლით.

მგონია, მთავრობა ვეტოს მაინც დაძლევს. ძალიან გამიხარდება, თუ ასე არ იქნება, მაგრამ ამათ ისე აქვთ ამ კანონის მიღება გადაწყვეტილი, სავარაუდოდ, ასე მოიქცევიან“, - განაცხადა თაკო ჩარკვიანმა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი