ბენიამინ ნეთანიაჰუ - კარიმ ხანის აღმაშფოთებელი გადაწყვეტილება საერთაშორისო სასამართლოზე სირცხვილის სამუდამო კვალს დატოვებს - სასამართლოს ფარსად გადააქცევს

ბატონი ხანის მიერ ამ უფლებამოსილების ბოროტად გამოყენება სისხლის სამართლის საერთაშორისო სასამართლოს ფარსად გადააქცევს, - ასე გამოეხმაურა ისრაელის პრემიერ-მინისტრი, ბენიამინ ნეთანიაჰუ სისხლის სამართლის საერთაშორისო სასამართლოს (ICC) მთავარი პროკურორის, კარიმ ხანის მიერ მისი და ისრაელის თავდაცვის მინისტრის, იოავ გალანტის დაპატიმრების ორდერების მოთხოვნას.

„სისხლის სამართლის საერთაშორისო სასამართლოს პროკურორის, კარიმ ხანის აღმაშფოთებელი გადაწყვეტილება ისრაელის დემოკრატიულად არჩეული ლიდერების დაპატიმრების ორდერის მოთხოვნის შესახებ ისტორიული მასშტაბის მორალურ აღშფოთებას წარმოადგენს. ეს საერთაშორისო სასამართლოზე სირცხვილის სამუდამო კვალს დატოვებს“, - განაცხადა ბენიამინ ნეთანიაჰუმ.

ისრაელის პრემიერ-მინისტრმა აღნიშნა, რომ ჰააგის სასამართლოს პროკურორის მიერ მისი და თავდაცვის მინისტრის წინააღმდეგ წაყენებული აბსურდული ბრალდება ისრაელისთვის თავდაცვის უფლების ჩამორთმევის მცდელობაა.

„ბატონი ხანის მიერ ამ უფლებამოსილების ბოროტად გამოყენება სისხლის სამართლის საერთაშორისო სასამართლოს ფარსად გადააქცევს. ის რაღაც განსხვავებულს აკეთებს. მთელ მსოფლიოში მძვინვარე ანტისემიტიზმის ცეცხლზე ნავთს თავხედურად ასხამს“, - აღნიშნა ბენიამინ ნეთანიაჰუმ.

მისივე თქმით, ჰააგის სასამართლო ისრაელს „ჰამასის“ დამარცხებასა და გამარჯვების მიღწევაში ხელს ვერ შეუშლის.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი