ანატოლი ანტონოვი - აშშ სისხლის სამართლის საერთაშორისო სასამართლოს სანქციებით აშინებს, მაგრამ სინდისის ქენჯნის გარეშე იყენებს მათ წინააღმდეგ, ვისაც მტრებად თვლის

შეერთებული შტატების ადმინისტრაცია უარყოფს სისხლის სამართლის საერთაშორისო სასამართლოს (ICC) ლეგიტიმურობას, აშინებს მას სანქციებით, მაგრამ უყოყმანოდ იყენებს სტრუქტურის მათ წინააღმდეგ, ვისაც ვაშინგტონი თავის მტრებად თვლის, - ამის შესახებ რუსეთის ელჩმა შეერთებულ შტატებში ანატოლი ანტონოვმა განაცხადა.

„ეს არის ორმაგი სტანდარტებისა და ამერიკული ფარისევლობის აღლუმის კიდევ ერთი მაგალითი. აშშ-ის ხელისუფლება უარყოფს სისხლის სამართლის საერთაშორისო სასამართლოს ლეგიტიმურობას და აშინებს ამ სტრუქტურას სანქციებით, როდესაც საქმე ეხება თავად ვაშინგტონის და მისი მოკავშირეების ინტერესებს. თუმცა, სინდისის ქენჯნის გარეშე იყენებენ ამ ფსევდოლეგალურ ინსტრუმენტს მათ წინააღმდეგ, ვისაც მტრებად თვლიან“, - აღნიშნა ანტონოვმა.

შეგახსენებთ, სისხლის სამართლის საერთაშორისო სასამართლოს პროკურორმა კარიმ ხანმა გუშინ განაცხადა, რომ ისრაელის პრემიერ-მინისტრის, თავდაცვის მინისტრის და „ჰამასის“ სამი ლიდერის დაპატიმრების ორდერი მოითხოვა. მისი განმარტებით, აქვს გონივრული საფუძველი იმის დასაჯერებლად, რომ აღნიშნულ პირებს სავარაუდო ომის და კაცობრიობის წინააღმდეგ ჩადენილი დანაშაულებისთვის სისხლისსამართლებრივი პასუხისმგებლობა ეკისრებათ. აშშ-ის პრეზიდენტის, ჯო ბაიდენის განცხადებით, ისრაელის მაღალჩინოსნების დაპატიმრების ორდერების მოთხოვნის შესახებ სისხლის სამართლის საერთაშორისო სასამართლოს პროკურორის განცხადება აღმაშფოთებელია და რომ ისრაელსა და „ჰამასს“ შორის ტოლობის ნიშნის დასმა არ შეიძლება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024