ცენტრალური საარჩევნო კომისიის (ცესკო) თავმჯდომარის მოადგილე გიორგი შარაბიძე აშშ-ს სახელმწიფო დეპარტამენტის საქართველოს საკითხებზე მომუშავე დეპარტამენტის აღმასრულებელ ოფიცერს რენე ლარევიესა და აშშ-ს საელჩოს პოლიტიკურ ოფიცერს კერი მაკინტოშს შეხვდა. შეხვედრის ფარგლებში მხარეებმა საარჩევნო ადმინისტრაციის მიმდინარე საქმიანობა და სამომავლო თანამშრომლობის საკითხები განიხილეს.

გიორგი შარაბიძემ დეტალურად ისაუბრა 2024 წლის 26 ოქტომბრის პარლამენტის არჩევნებისთვის მზადების პროცესზე, ტექნოლოგიების მიმართულებით ადმინისტრაციის მიერ გაწეულ საქმიანობებსა და სხვა მნიშვნელოვან პროექტებზე, რომელსაც ადმინისტრაცია წარმატებით ახორციელებს. როგორც მან საერთაშორისო პარტნიორებთან საუბარში აღნიშნა საარჩევნო ადმინისტრაცია 26 ოქტომბრის არჩევნების საერთაშორისო და ევროპული სტანდარტების შესაბამისად ჩასატარებლად ემზადება.

შეხვედრისას გიორგი შარაბიძემ ასევე ვრცლად ისაუბრა ელექტრონული არჩევნების ჭრილში ამომრჩეველთა ინფორმირების ფართომასშტაბიანი კამპანიის, ამომრჩეველთა განათლებისა და იმ გამოწვევების შესახებ, რომელიც ამ ეტაპზე ინსტიტუციის წინაშე დგას.

შეხვედრის დასასრულს მხარეებმა ხაზი გაუსვეს არსებულ წარმატებულ თანამშრომლობას და მომავალში ამ თანამშრომლობის გაგრძელების მნიშვნელობას.