ავსტრალია და ახალი ზელანდია ახალ კალედონიაში ჩარჩენილი ტურისტების ევაკუაციისთვის თვითმფრინავებს გაგზავნიან

ავსტრალიამ და ახალმა ზელანდიამ განაცხადეს, რომ საფრანგეთის ზღვისიქითა ტერიტორია ახალ კალედონიაში მიმდინარე არეულობის გამო მოქალაქეების ევაკუაციისთვის თვითმფრინავებს გაგზავნიან.

მედიის ინფორმაციით, ახალი ზელანდიის, საფრანგეთისა და ავსტრალიის საგარეო საქმეთა მინისტრებმა ტელეფონით ისაუბრეს მას შემდეგ, რაც ახალმა ზელანდიამ და ავსტრალიამ განაცხადეს, რომ ელოდებოდნენ საფრანგეთის ხელისუფლებისგან ნებართვას, რათა თავიანთი ქვეყნების მოქალაქეების ევაკუაციისთვის თვითმფრინავები გაეგზავნათ.

მოგვიანებით, საფრანგეთის თავდაცვის საბჭოს სხდომაზე შეთანხმდნენ, რომ ტურისტებისთვის სახლში დაბრუნების საშუალება მიეცათ.

სააგენტო „ფრანს-პრესის“ ცნობით, ახალ კალედონიაში, დაახლოებით, 3 000 ტურისტია ჩარჩენილი, მათ შორის 300-ზე მეტი ავსტრალიელი და 250-მდე ახალ ზელანდიელი.

საევაკუაციო რეისების განხორციელების გადაწყვეტილება მას შემდეგ მიიღეს, რაც ახალ კალედონიაში, მიმდინარე არეულობის გამო, საერთაშორისო აეროპორტი დაიხურა. ახალი კალედონიის საერთაშორისო აეროპორტი დაკეტილი დარჩა, რადგან მომიტინგეებმა უარი თქვეს გზის ბლოკებზე, რომლებმაც ერთი კვირის განმავლობაში პარალიზებული იყო წყნარი ოკეანის არქიპელაგი - მიუხედავად იმისა, რომ საფრანგეთის მთავრობა ამტკიცებდა, რომ უსაფრთხოების ძირითადი ოპერაცია იწყებოდა სიმშვიდის აღდგენის მიზნით.

არეულობა საფრანგეთის ზღვისიქითა ტერიტორია ახალ კალედონიაში, სადაც 270 000 ადამიანი ცხოვრობს, მას შემდეგ დაიწყო, რაც, რამდენიმე დღის წინ, საფრანგეთის პარლამენტის ქვედა პალატამ მხარი დაუჭირა საკონსტიტუციო ცვლილებას ხმის უფლების შესახებ. ცვლილებები საფრანგეთის მცხოვრებლებს, რომლებიც 10 წლის განმავლობაში ახალ კალედონიაში ცხოვრობენ, პროვინციულ არჩევნებში ხმის მიცემის უფლებას აძლევს. ზოგიერთი ადგილობრივი ლიდერი შიშობს, რომ ეს ცვლილება მკვიდრი მოსახლეობის ხმების წილს შეამცირებს. არეულობის შედეგად, დღემდე, 6 ადამიანი დაიღუპა და ასობით დაშავდა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024