ისრაელის საჰაერო ძალებმა ღაზის სექტორში 70-ზე მეტ ობიექტზე ავიაიერიშები განახორციელეს, - ამის შესახებ ინფორმაციას ისრაელის თავდაცვის ძალები ავრცელებს.

ისრაელის თავდაცვის ძალების ცნობით, ავიაიერიშების სამიზნეს ტერორისტული დაჯგუფებების იარაღის საცავები, რაკეტების გამშვები პუნქტები, სადამკვირვებლო პუნქტები და შენობები წარმოადგენდა.

ასევე, პალესტინის ეროვნული ადმინისტრაციის ჯანდაცვის სამინისტროს განცხადებით, დასავლეთ სანაპიროზე, ქალაქ ჯენინში ისრაელის თავდაცვის ძალების ოპერაციის შედეგად, 7 ადამიანი დაიღუპა და 9 დაშავდა.