პაატა მანჯგალაძე უმრავლესობას - თქვენ ხართ ფარისევლები და თაღლითები - ვეტოს დაძლევა პირდაპირ ნიშნავს, რომ მხარს უჭერთ თქვენი და თქვენი ოჯახების სანქცირებას და არა ევროპასა და ამერიკას!

თქვენ ხართ ფარისევლები და თაღლითები-ვეტოს დაძლევა პირდაპირ ნიშნავს, რომ მხარს უჭერთ თქვენი და თქვენი ოჯახების სანქცირებას და არა ევროპასა და ამერიკას!- ასე მიმართავს "ქართული ოცნების" წევრებს პარტია „სტრატეგია-აღმაშენებლის“ დეპუტატი პაატა მანჯგალაძე, რომელიც „უცხოური გავლენის გამჭვირვალობის შესახებ“ კანონპროექტის მიღებასა და მმართველი პარტიის წევრების შესაძლო სანქცირებას ეხმაურება.

მისი შეფასებით, დეპუტატები, მთავრობის წევრები და ძალოვნები სანქცირებას ელოდებიან და საზოგადოებაში სხვადასხვა ნარატივებს ავრცელებენ.

„მე მათ სამგზის თაღლითები დავარქვი. ფაქტობრივად ტატამად გადააქციეს კომიტეტი. ფიზიკური შეხლა-შემოხლა მიდიოდა, ყველა გამოაძევეს, მეც დამატოვებინეს დარბაზი. არანაირი სივრცე არ დატოვეს დისკუსიისთვის, ახლა კი საუბრობენ, რომ პრეზიდენტის ბრალიაო.

სანამ სამი მოსმენით მიიღებდით კანონპროექტს, თუ დისკუსია გინდოდათ, ვენეციის კომისიას ვერ დაელოდეთ? თუ ახალგაზრდებთან შეხვედრა გინდოდათ, რაღა მესამე მოსმენის მერე გაგახსენდათ ახალგაზრდები? ან თუ მოლაპარაკებები გინდოდათ, მეორე მოსმენის დროს ხომ გთავაზობდით მოლაპარაკებებს? თქვენ ხართ ფარისევლები და თაღლითები და კიდევ ერთხელ ვამბობ, ვეტოს დაძლევა პირდაპირ ნიშნავს, რომ მხარს უჭერთ თქვენი და თქვენი ოჯახების სანქცირებას და მეორე ეს პირდაპირ ნიშნავს, რომ არა ევროპასა და ამერიკას. ეს კი თქვენი ყველაზე დიდი რუსული საქმე და ლუსტრაცია იქნება.

თუ მეორე მოსმენაზე იქნებოდა კანონპროექტი, ვენეციის კომისიიდან მოსული დასკვნის შემდეგ, შესაძლო იყო მუხლობრივი ცვლილებები, მაგრამ მესამე მოსმენით მიღებულ კანონში ცვლილებები გამორიცხულია, თუ ხელახალი ინიციატივა არ მომზადდება და თუ ვეტოს დაძლევს „ქართული ოცნება“, გამოდის, რომ მმართველი პარტია არც ვენეციის კომისიას, არც ამერიკას, არც ევროპას და არც საქართველოს მოქალაქეებს არ უსმენს. ყველაზე დიდი სანქცირება კი მათ საქართველოს მოსახლეობისგან ელოდებათ!

რა თქმა უნდა, დეპუტატები, მთავრობის წევრები და მოძალადე ძალოვნები ელოდებიან სანქცირებას, ახლა ავრცელებენ ლეგენდას, რომ ბაიდენი წავა და ტრამპი მოვა და ყველაფერი კარგად იქნება. მაგრამ უნდა ვიცოდეთ, რომ ჯო ვილსონი, რომლის ინიციატივაც სანქციებსაც ითვალისწინებს, რესპუბლიკური პარტიის წარმომადგენელია, ამიტომ არანაირ შეღავათებს არ მოელოდეთ“, - განაცხადა პაატა მანჯგალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024