ნოდარ ხარშილაძე - საქართველოს ხელისუფლებას უკვე აქვს ყვითელი ბარათი და აფრთხილებენ, რომ  შემდეგი იქნება წითელი

საქართველოს ხელისუფლებას უკვე აქვს ყვითელი ბარათი და აფრთხილებენ, რომ შემდეგი იქნება წითელი, რაც ბევრ სამწუხარო რაღაცას გულისხმობს, - ამის შესახებ „სტრატეგიული ანალიზის ცენტრის“ დამფუძნებელმა, ნოდარ ხარშილაძემ „პალიტრანიუსის“ გადაცემაში „პოლიტიკური სივრცე“ განაცხადა, რითაც საქართველოში გერმანიის ელჩის, პეტერ ფიშერის განცხადებას გამოეხმაურა.

ნოდარ ხარშილაძის განმარტებით, თუ ხელისუფლება „უცხოური გავლენის გამჭვირვალობის შესახებ“ კანონპროექტს მიიღებს, პროცესი შეიძლება ევროპის მხრიდან დახმარების პაკეტების შეჩერებითა და არსებული სიკეთეების გაყინვით დასრულდეს.

„გერმანიის ელჩის განცხადება მისი პირადი განცხადება არაა, ეს არის გერმანიის სახელმწიფოს განცხადება. არ დაგვავიწყდეს, რომ გერმანია ევროპის ერთ-ერთი წამყვანი ქვეყანაა, თუ ყველაზე წამყვანი არა. საფრანგეთი და გერმანია, ეს ქვეყნები არიან თანამედროვე ევროპის პოლიტიკის არქიტექტორები. ეს არ არის ჩვენი მეგობარი ბალტიისპირელების განცხადება, პოლონელების განცხადება, რომელიც ასევე ძალიან უსიამოვნო იქნებოდა, იმიტომ, რომ ერთი ხმა ერთი ხმაა და ამ შემთხვევაში „ქართულ ოცნებას“ შეიძლება ეთქვა, რომ ეს არ არის გადამწყვეტი, მაგრამ ამას შენ გეუბნება ქვეყანა, რომელიც არის მოტორი ევროკავშირის.

ეს ნიშნავს, რომ საქართველოს ხელისუფლებას უკვე აქვს ყვითელი ბარათი. ადრე სიტყვიერი გაფრთხილებები იყო, ერთი-ორჯერ მსაჯმა გაგაფრთხილა, ახლა ჩვეულებრივად ყვითელი ბარათია და აფრთხილებენ, რომ შემდეგი იქნება წითელი. წითელი ბარათი არის ბევრი სამწუხარო რაღაც: ახალი ნაბიჯების არ დაშვება, სანქციები პიროვნებებთან მიმართებაში და სანქციები ქვეყანასთან მიმართებაში, დახმარების პაკეტების შეჩერება და არსებული სიკეთეების გაყინვა“, - განაცხადა ხარშილაძემ.

ნოდარ ხარშილაძის განცხადებით, სამყაროს გადანაწილება ხდება ავტორიტარულ და დემოკრატიულ ნაწილად და საქართველო ავტორიტარულ ნაწილში არ უნდა მოხვდეს.

„სამყაროს ახალი გადანაწილება მოხდება. რუსეთ-უკრაინის ომიც რაღაც ეტაპზე რაღაც ფორმით დასრულდება და სადაც გაივლის ხაზი, იქ დაიწყება ახალი წესრიგის დამყარება, ერთ მხარეს ავტოკრატიული, მეორე მხარეს დემოკრატიული. მე არ მინდა, რომ ჩემმა შვილმა იაროს ტულაში, მე მინდა, რომ ტულუზაში იაროს. ორივეგან ნამყოფი ვარ და ტულა პრაგმატულად არ მომწონს“, - განაცხადა ნოდარ ხარშილაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024