გიორგი ამილახვარმა დიდი ბრიტანეთის უნივერსიტეტების წარმომადგენლობითი ინსტიტუციის - Universities UK International (UUKI) დირექტორთან შეხვედრა გამართა

ლონდონში სამუშაო ვიზიტით მყოფმა საქართველოს განათლების, მეცნიერებისა და ახალგაზრდობის მინისტრმა გიორგი ამილახვარმა, განათლების მსოფლიო ფორუმის ფარგლებში, დიდი ბრიტანეთის უნივერსიტეტების წარმომადგენლობითი ინსტიტუციის – Universities UK International (UUKI) დირექტორთან, ჯეიმი ეროუსმიტთან სამუშაო შეხვედრა გამართა. ამის შესახებ ინფორმაციას განათლების სამინისტრო ავრცელებს.

Universities UK International აერთიანებს ყველა ბრიტანულ უნივერსიტეტს და წარმოადგენს მათ საერთაშორისო პლატფორმებზე.

მათივე ცნობით, შეხვედრაზე საუბარი შეეხო ტრანსნაციონალური განათლების სიღრმისეული კვლევის ანგარიშის შედეგებს, რომელიც Times Higher Education-მა განათლების, მეცნიერებისა და ახალგაზრდობის სამინისტროსა და ბრიტანეთის საბჭოს თანამშრომლობის ფარგლებში ჩაატარა. მინისტრის თქმით, კვლევის შედეგები არის ძალიან ოპტიმისტური, რაც საქართველოში ბრიტანული უნივერსიტეტების მოზიდვის უდიდეს შესაძლებლობას იძლევა.

„შეხვედრაზე აღინიშნა, რომ საქართველოს აქვს პოტენციალი, გახდეს განათლების რეგიონული ჰაბი და ამ მიმართულებით მნიშვნელოვანია სხვადასხვა პროექტის განხორციელება. მათ შორის, შეხვედრის მონაწილეებმა ხაზი გაუსვეს საქართველოში ბრიტანული უნივერსიტეტების სასწავლო ვიზიტის განხორციელების მნიშვნელობას.

ბრიტანულმა მხარემ ვიზიტის განხორციელების მზაობა გამოთქვა, რაც ხელს შეუწყობს საქართველოს პოტენციალის შესწავლას, ქართული და ბრიტანული უნივერსიტეტების დაახლოებას და ბრიტანული განათლების ქართულ სისტემასთან ინტეგრაციას ერთობლივი საგანმანათლებლო პროგრამების განხორციელების გზით.

შეხვედრაზე მხარეებმა ასევე განიხილეს საქართველოსა და დიდი ბრიტანეთის უმაღლესი საგანმანათლებლო დაწესებულებებისა და ინსტიტუციების თანამშრომლობის განვითარების ხელშეწყობის საკითხები. საუბარი შეეხო ქართულ-ბრიტანული ტრანსნაციონალური განათლების განვითარების პერსპექტივებს და ამ მიმართულებით პარტნიორობის კონკრეტულ სამოქმედო გეგმებს.

დიდი ბრიტანეთის უნივერსიტეტების წარმომადგენლობითი ინსტიტუციის - Universities UK International (UUKI) დირექტორთან შეხვედრას საქართველოს განათლების, მეცნიერებისა და ახალგაზრდობის მინისტრის მოადგილე ნოდარ პაპუკაშვილი და საქართველოს ელჩი დიდ ბრიტანეთსა და ჩრდილოეთ ირლანდიაში სოფიო ქაცარავა ესწრებოდნენ.

აღსანიშნავია, რომ Universities UK International აერთიანებს ყველა ბრიტანულ უნივერსიტეტს და წარმოადგენს მათ საერთაშორისო პლატფორმებზე. UUKI-ის მთავარი მისიაა, ხელი შეუწყოს დიდი ბრიტანეთის უმაღლესი განათლების სექტორის ინტერნაციონალიზაციას და აღნიშნული სექტორი უმაღლესი განათლების საერთაშორისო პლატფორმებზე წარმოადგინოს“,- ნათქვამია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024