სანდრო რაქვიაშვილი - თუ „ქართული ოცნება“ ვენეციის კომისიის დასკვნას არ გაითვალისწინებს, საკუთარი დელეგიტიმაციის პროცესში კიდევ ერთ ნაბიჯს გადადგამს, რაც კარგად არ აისახება მმართველი პარტიის რეიტინგზე

ვენეციის კომისიამ ჩვენი, „გირჩის“ პოზიცია გაიმეორა და თქვა, რომ ეს კანონი გაიწვიეთ და თუ ძალიან გინდათ რეგულირება, მაშინ ლობიზმი დაარეგულირეთო. ამას ჩვენ ამ კანონის მთელი განხილვის პერიოდში ვამბობდით, - ამის შესახებ „გირჩის“ დეპუტატმა, სანდრო რაქვიაშვილმა ჟურნალისტებთან ვენეციის კომისიის დასკვნის შეფასებისას განაცხადა.

როგორც რაქვიაშვილმა განმარტა, თუ “ქართული ოცნება” კომისიის დასკვნას არ გაითვალისწინებს, მისთვისაც უარესი იქნება, რადგან თავის დელეგიტიმაციის პროცესში კიდევ ერთ ნაბიჯს გადადგამს, რაც კარგად არ აისახება “ქართული ოცნების” რეიტინგზე.

“[ვენეციის კომისიამ] ჩვენი, “გირჩის” პოზიცია გაიმეორა და თქვა, რომ ეს კანონი გაიწვიეთ და თუ ძალიან გინდათ რეგულირება, მაშინ ლობიზმი დაარეგულირეთო. ამას ჩვენ ამ კანონის მთელი განხილვის პერიოდში ვამბობდით. ძალიან მოხარული ვარ, რომ ვენეციის კომისიაშიც იმავენაირად ფიქრობენ. დანარჩენს რაც შეეხება, წლების განმავლობაში “ქართული ოცნება” ვენეციის კომისიას იშველიებდა და ამბობდა, რომ ვენეციის კომისიამ ასე თქვაო. ახლა არ მოეწონათ და ებრძვიან ვენეციის კომისიას. ზოგადად, მნიშვნელოვანი დასკვნა იყო და ბევრ კითხვაზე გაეცა პასუხი. უბრალოდ, მხოლოდ ჩემი, “გირჩის” ან ვინმეს პოზიცია კი არ იქნება, არამედ უკვე საერთაშორისო კომისიის მიერ აღიარებული. თუ “ქართული ოცნება” არ გაითვალისწინებს, მისთვისაც უარესი იქნება. თავის დელეგიტიმაციის პროცესში კიდევ ერთ ნაბიჯს გადადგამს, რაც არა მგონია, რომ კარგად აისახოს “ქართული ოცნების” რეიტინგზე”, - აღნიშნა რაქვიაშვილმა.

ცნობისთვის, ვენეციის კომისია წუხილს გამთქვამს, რომ „უცხოური გავლენის გამჭვირვალობის შესახებ“ კანონი, მიღებულ იქნა პროცედურაში, რომელმაც გულწრფელი დისკუსიისა და აზრიანი კონსულტაციებისთვის ადგილი არ დატოვა.

ვენეციის კომისია 2023 წლის პრაქტიკას აღნიშნავს და აცხადებს, რომ არსებობდა შინაარსიანი კონსულტაციების ჩატარების თვალსაჩინო და დემონსტრირებადი ვენეციის კომისია მიიჩნევს, რომ პროცედურების „ეს მანერა დემოკრატიული კანონმდებლობის ევროპულ მოთხოვნებს არ აკმაყოფილებს“.

ამასთან, “ქართული ოცნება” აღნიშნულ დასკვნას გამოეხმაურა, რა დროსაც აღნიშნა, რომ ვენეციის კომისიის დასკვნა გაჯერებულია პოლიტიკური გზავნილებით, მოკლებულია სამართლებრივ და პროფესიულ დასაბუთებას და შეიცავს მთელ რიგ ფაქტობრივად არასწორ ფაქტობრივ ინფორმაციას.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024