გიორგი ვაშაძე - ვენეციის კომისიას დაუწუნო სამართლებრივი საფუძვლების ცოდნა, ეს უკვე სასაცილოც აღარ არის!

ვენეციის კომისიამ, ევროკავშირმა და ჩვენმა პარტნიორებმა კარგად შეისწავლეს „ქართული ოცნების“ რუსული მანიპულაციური ბუნება და ყოველგვარი სპეკულაციის შესაძლებლობა დახურეს, ამ დასკვნის პირობებში. „ქართული ოცნება“ ამ სისულელეებით კიდევ უფრო ამხელს თავის რუსულ ბუნებას. ვენეციის კომისიას დაუწუნო სამართლებრივი საფუძვლების ცოდნა, ეს უკვე სასაცილოც აღარ არის! - ამის შესახებ პარტია „სტრატეგია-აღმაშენებლის“ ლიდერმა გიორგი ვაშაძემ განაცხადა, რომელიც „უცხოური გავლენის გამჭვირვალობის შესახებ“ კანონპროექტთან დაკავშირებით, ვენეციის კომისიის დასკვნას გამოეხმაურა.

მისი შეფასებით, ვენეციის კომისიის დასკვნამ, საბოლოო წერტილი დაუსვა ყველა მანიპულაციას, რომელიც „ქართულ ოცნებას“ აქვს.

„რუსული კანონი“ გასაუქმებელია, გასაწვევია პარლამენტიდან, პირდაპირ ამაზე საუბრობს ვენეციის კომისია, შესაბამისად „რუსული კანონით“ საქართველო ევროინტეგრაციის გზაზე სვლას ვერ გააგრძელებს. „რუსული კანონი“ საქართველოს ევროკავშირს დააშორებს და, სამწუხაროდ, ვერ შევალთ ევროკავშირში და არ გვექნება არანაირი პროგრესი. მთელი ბოლო რამდენიმე კვირის განმავლობაში ერთადერთი, რაზეც აპელირებდა „ქართული ოცნება“ ვენეციის კომისიის დასკვნა იყო, სწორედ ამიტომ ყველა ტიპის მანიპულაციის შესაძლებლობა დახურა ვენეციის კომისიამ.

დეტალურად დასაბუთებული აქვს ვენეციის კომისიას, თუ რატომ არ შეიძლება ამ კანონის მიღება და რატომ ეწინააღმდეგება რუსული კანონი ევროკავშირის ფუნდამენტურ პრინციპებს. მე ვფიქრობ საზოგადოებისთვის ნათელია, რომ არჩევანი კონკრეტულია - ეს კანონი შევა ძალაში? მაშინ „ქართული ოცნება“ თავის თავს რუსეთის მხარეს დააყენებს. ეს კანონი შევა ძალაში? მაშინ საქართველო შეაჩერებს ევროინტეგრაციის გზაზე სვლას.“- განაცხადა გიორგი ვაშაძემ.

გიორგი ვაშაძე გამოსავალს ოპოზიციური პარტიების გაერთიანებაში ხედავს და მიაჩნია, რომ გაერთიანებული ოპოზიცია საქართველოს ევროპულ გზაზე დააბრუნებს.

„ჩვენ გვჭირდება ერთიანობა, უნდა დავაბრუნოთ საქართველო ევროინტეგრაციის გზაზე. ძალიან ახლოსაა ის დიდი სიკეთეები, რომელიც შეიძლება ჩვენ მივიღოთ, ასე მკაფიო ეს არ ყოფილა არასდროს. ამიტომ სჭირდება პოლიტიკურ სპექტრს და საზოგადოებას ერთიანობა, ახლა საქართველოს გადარჩენისა და ქვეყნის ამ კლანჭებიდან დახსნის დროა, იმისათვის, რომ საქართველო ევროკავშირის ღირსეული წევრი გახდეს.

„ქართული ოცნების“ დეპუტატებს მივმართავ - მთავარი სანქციები გემუქრებათ ქართველი ხალხისგან!

დასკვნა ცალსახაა, ვენეციის კომისიამ, ევროკავშირმა და ჩვენმა პარტნიორებმა კარგად შეისწავლეს „ქართული ოცნების“ რუსული მანიპულაციური ბუნება და ყოველგვარი სპეკულაციის შესაძლებლობა დახურეს, ამ დასკვნის პირობებში. „ქართული ოცნება“ ამ სისულელეებით კიდევ უფრო ამხელს თავის რუსულ ბუნებას. ვენეციის კომისიას დაუწუნო სამართლებრივი საფუძვლების ცოდნა, ეს უკვე სასაცილოც აღარ არის!

ჩვენ მივალთ სესიაზე ვეტოს დაძლევის მომენტში და ჩვენ ჩვენსა და ქართველი ხალხის პოზიციას კიდევ ერთხელ დავაფიქსირებთ“ - განაცხადა გიორგი ვაშაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024