ირაკლი ქადაგიშვილი - კონკრეტული სამართლებრივი არგუმენტი ამ კანონის საწინააღმდეგოდ არც ვენეციის კომისიას მოეპოვება - მიგვაჩნია, რომ საქმე გვაქვს ორკესტრირებულ პოზიციების გამოხატვასთან

ამ დასკვნაში გაცილებით მეტი ადგილი აქვს დათმობილი პოლიტიკური შინაარსის განცხადებებს და გარკვეულწილად პროცედურულ საკითხებს, ვიდრე იმის განმარტებას თუ ამ კანონში რატომ არის კონკრეტული მუხლები შეუსაბამო სამართალთან და იმ კანონებთან, რომლებიც მათ შორის, ევროკავშირის ტერიტორიაზე მოქმედებს ან უკვე მიღებულია, - ამის შესახებ საპარლამენტო უმრავლესობის წევრმა, ირაკლი ქადაგიშვილმა ჟურნალისტებთან ვენეციის კომისიის დასკვნის შეფასებისას განაცხადა.

ქადაგიშვილის თქმით, აქედან გამომდინარე, კიდევ ერთხელ ჩანს, რომ კონკრეტული სამართლებრივი არგუმენტი ამ კანონის საწინააღმდეგოდ არც ვენეციის კომისიას არ მოეპოვება.

„აქედან გამომდინარე, კიდევ ერთხელ ჩანს, რომ კონკრეტული სამართლებრივი არგუმენტი ამ კანონის საწინააღმდეგოდ არც ვენეციის კომისიას არ მოეპოვება. აქედან გამომდინარე მიგვაჩნია, რომ ჩვენ საქმე გვაქვს ორკესტრირებულ პოზიციების გამოხატვასთან, ვიდრე ამ კანონთან დაკავშირებით რაიმე სამართლებრივი შენიშვნის გაკეთებასთან.

ჩვენ თუ შევადარებთ ყველა ევროპულ ქვეყანაში მოქმედ კანონებს დაწყებული საფრანგეთიდან, დამთავრებული ევროკავშირამდე, დავინახავთ, რომ ჩვენთან შემოღებული რეგულაციები გაცილებით მარტივი და რბილია. წრე, რომელსაც ჩვენი კანონმდებლობა ეხება შემოიფარგლება მხოლოდ იურიდიული პირებით და არავითარ შემთხვევაში არ ეხება ფიზიკურ პირებს. არანაირი ვალდებულებები არ უჩნდებათ ჩვენთან ამ იურიდიულ პირებს გარდა ერთადერთისა, რომ წელიწადში ერთხელ მათ თავიანთი ფინანსური დეკლარაცია გამოაქვეყნონ”, - განაცხადა ქადაგიშვილმა.

როგორც ქადაგიშვილმა აღნიშნა, გაუმჭვირვალობის და არასამთავრობო ორგანიზაციების გარკვეული ნაწილის გამო ქვეყანაში მუდმივად დაძაბულობა და პოლიტიკური პოლარიზაციაა და ამის წინააღმდეგ გადადგმული ნაბიჯები არ შეიძლება აღქმული იყოს როგორც ქვეყნის ინტერესების და ევროპის წინააღმდეგ გადადგმული ნაბიჯები.

„საქართველო პირველ რიგში, იცავს თავისი ქვეყნის სუვერენულ უფლებებს. ამ სუვერენულ უფლებებში შედის ქვეყნის დაცვა და ამ ქვეყნის ევროპული ინტეგრაციის უზრუნველყოფა. გამომდინარე იქიდან, რომ ჩვენ გვაქვს სურათი რომ გაუმჭვირვალობის და არასამთავრობო ორგანიზაციების გარკვეული ნაწილის გამო ქვეყანაში მუდმივად დაძაბულობა და პოლიტიკური პოლარიზაცია, ამ ფინანსების პოლიტიკური მიზნებისათვის არამართლზომიერი გამოყენება ხდება, ამის წინააღმდეგ გადადგმული ნაბიჯები არ შეიძლება აღქმული იყოს როგორც ქვეყნის ინტერესების წინააღმდეგ გადადგმული და ზოგადად, როგორც ეს ევროპის წინააღმდეგ გადადგმული ნაბიჯები. დღეს თუ არა ხვალ ამ ყველაფრის აღიარება ყველას მოუწევს, მათ შორის ევროპასაც”, - აღნიშნა ქადაგიშვილმა.

შეგახსენებთ, ვენეციის კომისია „უცხოური გავლენის გამჭვირვალობის შესახებ“ კანონპროექტზე გადაუდებელ მოსაზრებას აქვეყნებს.

ვენეციის კომისია მკაცრი რეკომენდაციით გამოდის, რომ „უცხოური გავლენის გამჭვირვალობის შესახებ“ კანონპროექტი გაწვეულ იქნას მისი ამჟამინდელი ფორმით.

კომისიის დასკვნაში ნათქვამია, რომ კანონპროექტი საბოლოო ჯამში, გავლენას იქონიებს ღია, ინფორმირებულ საჯარო დებატებზე, პლურალიზმსა და დემოკრატიაზე.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024