ნიკოლოზ სამხარაძე პორტუგალიის პარლამენტის საგარეო ურთიერთობათა კომიტეტის ვიცე-პრეზიდენტს შეხვდა

საქართველოს პარლამენტის საგარეო ურთიერთობათა კომიტეტის დელეგაცია, კომიტეტის თავმჯდომარის ნიკოლოზ სამხარაძის ხელმძღვანელობით, პორტუგალიაში იმყოფება.

საქართველოს პარლამენტის პრესსამსახურის ინფორმაციით, ოფიციალური ვიზიტის ფარგლებში, დელეგაციის წევრები პორტუგალიის პარლამენტის საგარეო ურთიერთობათა კომიტეტის ვიცე-პრეზიდენტს, კარლუშ ედუარდო რეისს შეხვდნენ.

„მხარეებმა საქართველოსა და პორტუგალიას შორის არსებული თანამშრომლობა და ორმხრივი საპარლამენტო ურთიერთობების გაღრმავების შესაძლებლობები განიხილეს. ასევე, მიმოიხილეს რეგიონში მიმდინარე მოვლენები და უსაფრთხოების გამოწვევები.

პორტუგალიელ კოლეგებთან გამართულ შეხვედრაზე საქართველოში მიმდინარე შიდაპოლიტიკურ ვითარებაზე, წინასაარჩევნო გარემოსა და ქვეყნის მიერ ევროინტეგრაციის კუთხით გადადგმული ნაბიჯებისა და განხორციელებული რეფორმების შესახებ ისაუბრეს.

პორტუგალიაში ვიზიტის ფარგლებში, საგარეო ურთიერთობათა კომიტეტის თავმჯდომარემ და ეუთო-ს საპარლამენტო ასამბლეაში საქართველოს პარლამენტის მუდმივმოქმედი დელეგაციის ხელმძღვანელმა ნიკოლოზ სამხარაძემ მონაწილეობა მიიღო კონფერენციაში „უსაფრთხოება ხელოვნური ინტელექტის ეპოქაში“, რომელიც ორგანიზებული იყო ეუთო-ს საპარლამენტო ასამბლეაში პორტუგალიის დელეგაციის მიერ.

საგარეო ურთიერთობათა კომიტეტის დელეგაციის შემადგენლობაში არიან საგარეო ურთიერთობათა კომიტეტის წევრები: ლევან ქარუმიძე, დავით მათიკაშვილი და ეკა სეფაშვილი“, - აღნიშნულია ინფორმაციაში.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი