მარნეულის მუნიციპალიტეტის სოფელ წერეთელში ფეინთბოლის ადგილობრივი ჩემპიონატი გაიმართა. მარნეულის მერიის ინფორმაციით, ჩემპიონატში მონაწილეობა ახალგაზრდებმა მიიღეს.

შეჯიბრს, მარნეულის მუნიციპალიტეტის მერი კენან ომაროვი, საკრებულოს თავმჯდომარე, ამირან გიორგაძე და მერის პირველი მოადგილე, როინ დეკანოიძე ესწრებოდნენ.

„აღსანიშნავია, რომ მარნეულის მერიის ხელშეწყობით ტურნირი წელს მეორედ ჩატარდა და მიიღებს ყოველწლიურ სახეს. მისი მიზანი ჯანსაღი ცხოვრების წესის ხელშეწყობა და სპორტის პოპულარიზაციაა“,- ნათქვამია ინფორმაციაში.