ცოლისა და სიდედრის მკვლელობაში ბრალდებულის ადვოკატი - მან გამოკითხვისას დუმილის უფლება გამოიყენა, მძიმე ემოციურ მდგომარეობაში იმყოფებოდა, შეიძლება ითქვას, რომ შოკში იყო

რუსთავში, ცოლისა და სიდედრის მკვლელობის ბრალდებით დაკავებული 27 წლის გიორგი ფირაშვილი დუმილის უფლებით სარგებლობს. აღნიშნულის შესახებ „ინტერპრესნიუსს“ დაკავებულის ადვოკატმა განუცხადა.

როგორც უფლებადამცველი განმარტავს, ფირაშვილი სამართალდამცავებმა გუშინ გამოკითხეს, თუმცა, მან მძიმე ემოციური მდგომარეობის გამო, ჩვენების მიცემაზე უარი განაცხადა.

ადვოკატის თქმითვე, სავარაუდო დანაშაულის ჩადენის მომენტში დაკავებული მამაკაცი ფხიზელ მდგომარეობაში იმყოფებოდა და მომხდარის შესახებ სამართალდამცავებს თავად შეატყობინა.

„ბრალდებული პოლიციას თავად ჩაბარდა, 112-ში დარეკა, უთხრა, რომ დანაშაული ჩაიდინა და პოლიციის თანამშრომლებს შემთხვევის ადგილზე დაელოდა. დაკავებული გუშინ გამოიკითხა, მაგრამ დუმილის უფლება გამოიყენა, მძიმე ემოციურ მდგომარეობაში იმყოფებოდა, შეიძლება ითქვას, რომ შოკში იყო, ამის გამო საუბრის სურვილი არ ჰქონდა. ბრალს სავარაუდოდ, დღეს წარუდგენენ, დრო ჯერ არ შეუტყობინებიათ.

რაც შეეხება დანაშაულის მოტივს, უცნობია, რადგან ბრალდებულს ამაზე არ უსაუბრია. საქმის მასალებს ბრალის წარდგენის შემდეგ გადმომცემენ და დანარჩენი დეტალები, მოგვიანებით იქნება ცნობილი.

როგორც მითხრეს, ფხიზელ მდგომარეობაში იყო“, - განაცხადა ადვოკატმა.

ცნობისთვის, 22 მაისს, რუსთავში, დუმბაძის ქუჩაზე მდებარე სკვერში დედა-შვილი სანადირო თოფიდან გასროლით იმ დროს მოკლეს, როცა ბავშვს ასეირნებდნენ. სამართალდამცავებმა მომხდართან დაკავშირებით 27 წლის გიორგი ფირაშვილი დააკავეს.

გამოძიება სისხლის სამართლის კოდექსის კოდექსის 11 პრიმა 109-ე მუხლის „კ“ და „ლ“ ქვეპუნქტებით მიმდინარეობს, რაც ოჯახის ორი წევრის მიმართ დამამძიმებელ გარემოებაში ჩადენილ განზრახ მკვლელობას გულისხმობს.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი