ირაკლი ბერაია - ის, რაც ევროკავშირის ქვეყნებში არის დემოკრატიული, თურმე საქართველოსთვის მიუღებელია - რა დავარქვათ ამას? ორმაგი სტანდარტი? ორმაგ სტანდარტზე გაცილებით ცუდი პროცესია

უმრავლესობის დეპუტატი, ირაკლი ბერაია იზიარებს ირაკლი კობახიძის განცხადებას, რომ „ვენეციის კომისიას პროფესიულ ღირსებაზე უარი აქვს ნათქვამი” და ამბობს, რომ „უცხოური გავლენის გამჭვირვალობის შესახებ” კანონზე “სამართლებრივი დასკვნის ნაცვლად კომისიამ პოლიტიკური შეფასებები გააკეთა”.

როგორც ბერაიამ ჟურნალისტებს განუცხადა, ვენეციის კომისიას არცერთი პუნქტი ან მუხლი არ დაუსახელებია, რომელია ცუდი ან რატომ.

“გვქონდა მოლოდინი, რომ ვენეციის კომისიიდან მოვიდოდა სამართლებრივი დასკვნა, თუმცა ამის ნაცვლად მივიღეთ მხოლოდ პოლიტიკური შეფასებები და ისიც, როგორი სახის - თურმე გამჭვირვალობა არის ცუდი. რაზე ვსაუბრობთ?! არანაირი სამართლებრივი შეფასება ამ კანონთან დაკავშირებით არ ყოფილა. არცერთი პუნქტი ან მუხლი არაა მითითებული, რომელია ცუდი ან რატომაა ცუდი ან რა უნდა გამოსწორდეს, რომ ცუდი არ იყოს. ასეთი შეფასებები არ გაუკეთებიათ”,- განაცხადა ირაკლი ბერაიამ.

ამასთან, ბერაიამ უპასუხა კითხვას იმის შესახებ, რომ მსგავსი კანონი საფრანგეთშიც მიიღეს და სვამს რიტორიკულ კითხვას, რომ “როდესაც ეს კანონი საფრანგეთისთვის აუცილებელია, რატომ შეიძლება იყოს საქართველოსთვის დემოკრატიის დამსამარებელი”.

“მიდგომაა ასეთი, რომ რაც ევროკავშირის ქვეყნებში არის დემოკრატიული, ის თურმე საქართველოსთვის მიუღებელია, რა დავარქვათ ამას - ორმაგი სტანდარტი? ორმაგ სტანდარტზე გაცილებით ცუდი პროცესია, რასაც ვხედავთ. საფრანგეთში გაცილებით მკაცრი სანქციებია”, - განაცხადა ირაკლი ბერაიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 20.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე