სოზარ სუბარი აშშ-ზე - თუ რამე უნდოდათ, მათ შორის ვიზალიბერალიზაცია, თავისუფალი ვაჭრობა, ფრენები, შეეძლოთ შარშან გაეკეთებინათ, სამხედრო დახმარება კი, ყველაზე მეტად ვისაც სჭირდება, იმას გაუწიონ

27 მაისს იქნება კომიტეტი, 28-ში კი პლენარული სხდომა, სადაც ვეტო იქნება დაძლეული და ეს მოხდება მარტივად და სამართლიანად, - ამის შესახებ “ხალხის ძალის” დეპუტატმა სოზარ სუბარმა ჟურნალისტებს განუცხადა.

სუბარი, ასევე, გამოეხმაურა აშშ-ის სახელმწიფო მდივნის, ენტონი ბლინკენის განცხადებას, რომ “უცხოური გავლენის გამჭვირვალობის შესახებ” კანონის მიღებას “შედეგები მოჰყვება” და განაცხადა, რომ აშშ-დან არანაირ ზომებს არ ელოდებიან.

“არაფერ ზომებს არ ველოდებით. თუ რამე დადებითი გადაწყვეტილება უნდოდათ, ეს შეეძლოთ შარშან გაეკეთებინათ, მათ შორის ვიზალიბერალიზაცია, თავისუფალი ვაჭრობა, ფრენები, რაც შეეხება სამხედრო დახმარებას, ამ წუთას ყველაზე მეტად ვისაც სჭირდება სამხედრო დახმარება, კარგი იქნება, იმას გაუწიონ”, - განაცხადა სოზარ სუბარმა.

კითხვას, ელოდება თუ არა მმართველი უმრავლესობა სანქციებს, სუბარმა უარყოფითად უპასუხა.

“არანაირ სანქციებს არ ველოდებით და ვერანაირი სანქციებით ვერ დაგვაშინებენ, როდესაც ქვეყნის ბედზეა საუბარი. საქართველო უნდა გადავარჩინოთ. მშვიდობა უნდა შევინარჩუნოთ. ესაა მთავარი. მშვიდობის გარეშე არც ევროკავშირი იქნება, არც სახელმწიფო გვექნება და აღარც სიცოცხლე. ჩვენ უნდა შევინარჩუნოთ საქართველო, სახელმწიფო და არ დავუშვებთ საქართველოს უკრაინიზაციას. არ დავუშვებთ იმას, რაც ხდება ბევრ უკრაინულ ქალაქში”,- განაცხადა სოზარ სუბარმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი