პაატა მანჯგალაძე - პირველად ვნახე თავისი პოლიტიკური აღსასრულისთვის ასე ჩქარობდეს პოლიტიკური პარტია - „ქართული ოცნება“ აღარ ჰქვია ამ პარტიას, უნდა დავარქვათ „რუსული კოშმარი“

პირველად ვნახე თავისი პოლიტიკური აღსასრულისთვის ასე ჩქარობდეს პოლიტიკური პარტია - „ქართული ოცნება“ აღარ ჰქვია ამ პარტიას, უნდა დავარქვათ „რუსული კოშმარი“, - ამის შესახებ “სტრატეგია აღმაშენებლის” გენერალურმა მდივანმა, პაატა მანჯგალაძემ ჟურნალისტებს განუცხადა.

მისი თქმით, “ქართულ ოცნებას” წილი ნაყარი და არჩევანი გაკეთებული აქვს”.

“ვეტოს დაძლევით “ქართული ოცნების” “სიამაყეს” რას შეეხება - პირველად ვნახე თავისი პოლიტიკური აღსასრულისთვის ასე ჩქარობდეს პოლიტიკური პარტია. ვნახეთ, სახელმწიფო მდივნის განცხადება, რომ ეს არის რუსული სახელმძღვანელოდან პირდაპირ გადმოტანილი კანონი და ამას მოჰყვება ძალიან მძიმე შედეგები მათთვის, ვინც ამ კანონს მიიღებს და არა საქართველოსთვის. “ქართულ ოცნებას” მივმართავ და მის პროპაგანდისტებს - კიდევ ვინ უნდა თქვას, რომ ეს კანონი რუსულია და ამაზე დისკუსია დავასრულოთ. ბაიდენის განცხადება გინდათ? შეიძლება იყოს ბაიდენის განცხადებაც. უბრალოდ, თქვენთან [„ქართულ ოცნებასთან“] საუბარს აზრი არ აქვს. წილი ნაყარი აქვს “ქართულ ოცნებას” და არჩევანი გაკეთებული აქვს.

თქვეს, რომ ევროპულ პერსპექტივაზე; ამერიკაში უვიზო მიმოსვლაზე; იმ სიკეთეებზე, რაც საქართველოს მოქალაქეს ელოდება, უფრო პრინციპულად მიგვაჩნია, რომ ბიძინა ივანიშვილს და ჩვენ რაც გვინდა, ის გავაკეთოთ, რომ იქნებ დავრჩეთ ხელისუფლებაში რუსეთთან ერთად.

სწორედ დაგარქვათ ხალხმა სახელი - ეს რუსულიდან შთაგონებული კი არაა, ესაა რუსული ღალატი. დღეის შემდეგ “ქართული ოცნება” უნდა ჩამოვაყალიბოთ “რუსულ კოშმარად”. “ქართული ოცნება” აღარ ჰქვია ამ პარტიას, უნდა დავარქვათ “რუსული კოშმარი”,- განაცხადა პაატა მანჯგალაძემ.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი