ხატია დეკანოიძე - ენტონი ბლინკენის განცხადება ნიშნავს იმას, თუ ხელისუფლება „უცხოური გავლენის გამჭვირვალობის შესახებ“ კანონზე ვეტოს დაძლევს, რეაგირება ძალიან მკაცრი იქნება - ამით საქართველო ზარალდება

„ევროოპტიმისტების“ დეპუტატის ხატია დეკანოიძის განცხადებით, ამერიკის შეერთებული შტატების სახელმწიფო მდივნის, ენტონი ბლინკენის განცხადება ნიშნავს იმას, რომ თუ საქართველოს ხელისუფლება „უცხოური გავლენის გამჭვირვალობის შესახებ” კანონზე ვეტოს დაძლევს, რეაგირება ძალიან მკაცრი იქნება.

დეკანოიძის თქმით, აღნიშნულით „უპირველესად, საქართველო ზარალდება” და ეს ყველაფერი “ქართული ოცნების” და ივანიშვილის პასუხისმგებლობა იქნება.

„ცალსახად, ერთმნიშვნელოვნად მთელი საერთაშორისო ცივილიზებული სამყარო მიუთითებს “ქართული ოცნების” ხელისუფლებას, რომ ეს კანონი არის საქართველოს დემოკრატიის, სამოქალაქო საზოგადოების და ზოგადად ევროპული ინტეგრაციის საწინააღმდეგო. ამიტომ ნებისმიერი განცხადება, განსაკუთრებით ასეთი მაღალი თანამდებობის პირის, ნიშნავს იმას, რომ თუ ამ კანონს მიიღებს საქართველოს ხელისუფლება, ანუ გადალახავს ვეტოს, იქნება ძალიან მკაცრი რეაგირება, მაგრამ განსაკუთრებით ამ ძალიან მძიმე გეოპოლიტიკურ ვითარებაში უპირველესად, საქართველო ზარალდება - არ გაგვეხსნება მოლაპარაკებები; დავაზიანებთ აშშ-სთან სტრატეგიულ პარტნიორობას და ეს ყველაფერი იქნება “ქართული ოცნების” და ივანიშვილის პასუხისმგებლობა”, - განაცხადა ხატია დეკანოიძემ.

ცნობისთვის, აშშ-ის სახელმწიფო მდივნის ენტონი ბლინკენის განცხადებით, “უცხოეთის აგენტების კანონით" შეშფოთებულები არიან და ის “პირდაპირ მოსკოვის სახელმძღვანელოდანაა გადმოწერილი”.

ბლინკენის თქმით, აშშ ძალიან ბევრს მუშაობს იმაზე, თუ რისი გაკეთება შეუძლია ამაზე საპასუხოდ. მისივე თქმით, ამ კანონის მიღებას შედეგები მოჰყვება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024