საქართველოს ტექნიკური უნივერსიტეტში მიმდინარე სტუდენტთა 88-ე ღია საერთაშორისო სამეცნიერო კონფერენციის ფარგლებში, მეცნიერებისა და მკვლევრებისგან შემდგარმა კომისიამ ინფორმატიკისა და მართვის სისტემების ფაკულტეტის გამარჯვებული სტუდენტები გამოავლინა.

ამის შესახებ ინფორმაციას სტუ ავრცელებს.

მისივე ცნობით, სტუდენტთა 88-ე ღია საერთაშორისო სამეცნიერო კონფერენციის ეგიდით ფაკულტეტზე რვა სექცია მუშაობს. მათ შორის, „ინფორმაციული ტექნოლოგიების, სისტემებისა და ინტერდისციპლინური“, “მართვის სისტემები, ავტომატიზაცია და ტესტ-ინჟინერინგი”, “კომპიუტერული ინჟინერია”, „პროგრამული ინჟინერიის და ხელოვნური ინტელექტი“, „ციფრული სატელეკომუნიკაციო ტექნოლოგიები”, “საინჟინრო ფიზიკა”, „ბიოსამედიცინო ინჟინერია“ და „მათემატიკა”.

„ინფორმაციული ტექნოლოგიების, სისტემებისა და ინტერდისციპლინური“ მიმართულებების სექციაში მონაწილეობა 11-მა სტუდენტმა მიიღო. კომისიის წევრების მიერ მინიჭებული ქულების საფუძველზე გამოვლინდნენ გამარჯვებულები: ბაკალავრიატი - I ადგილი - გივი ქირია (საქართველოს უნივერსიტეტი); II ადგილი - ილკინ იბადოვ (საქართველოს ტექნიკური უნივერსიტეტი); III ადგილი - უჩა ჯანაშია (საქართველოს უნივერსიტეტი). მაგისტრატურა - I ადგილი - გიორგი დოლენჯიშვილი (საქართველოს უნივერსიტეტი). დოქტორანტურა - I ადგილი - ანა გერგაული (საქართველოს ტექნიკური უნივერსიტეტი); II ადგილი - ნიკოლოზ კაციტაძე (საქართველოს ტექნიკური უნივერსიტეტი); III ადგილი - ნინო მელიქიძე (საქართველოს ტექნიკური უნივერსიტეტი).

“მართვის სისტემები, ავტომატიზაცია და ტესტ-ინჟინერინგი” მიმართულების სექციაში მონაწილეობა მიიღეს იმს ფაკულტეტის შესაბამისი საგანმანათლებლო პროგრამის სამივე საფეხურის ბაკალავრიატის, მაგისტრატურის და დოქტორანტურის სტუდენტებმა. კომისიის წევრების მიერ მინიჭებული ქულების საფუძველზე გამოვლინდნენ გამარჯვებულები. ბაკალავრიატი: I ადგილი - ელენე შოთაშვილი, გიორგი მიქავა, ლუკა ჭელიძე; II ადგილი - ნანა ლომიძე; III ადგილი - შოთა მინდიაშვილი. მაგისტრატურა: I ადგილი - ლაშა ქიტესაშვილი. დოქტორანტურა: I ადგილი - ირაკლი ჩანთაძე; II ადგილი - ნინო არაბული; III ადგილი - ნინო მწითური.

სექციაში - “კომპიუტერული ინჟინერია”, მონაწილეობა მიიღეს იმ ფაკულტეტის საგანმანათლებლო პროგრამის ბაკალავრიატის და დოქტორანტურის სტუდენტებმა. კომისიის წევრების მიერ მინიჭებული ქულების საფუძველზე გამოვლინდნენ გამარჯვებულები. ბაკალავრიატი: I ადგილი- შამათავა მირიან, ლიპარტელიანი მარიამ; II ადგილი - კახი ჩიჩუა, ნინო სუხიშვილი, მარიამ ბურდული; III - ადგილი კონსტანტინე ჭკადუა, გიორგი თუხარელი.

„პროგრამული ინჟინერიის და ხელოვნური ინტელექტის“ სექციის გამარჯვებულები არიან: I ადგილი - ფარნავაზ ტყემალაძე (საქართველოს ტექნიკური უნივერსიტეტი); II ადგილი - შალვა ფარცვანია (საქართველოს ტექნიკური უნივერსიტეტი); III ადგილი - საბა ალთუნაშვილი (საქართველოს ტექნიკური უნივერსიტეტი).

„მათემატიკის“ სექციის გამარჯვებულები კი გახდნენ: ბაკალავრიატი: I ადგილი - ვარდანაშვილი მარიამი (საქართველოს ტექნიკური უნივერსიტეტი); II ადგილი - გაბელაშვილი გიორგი (საქართველოს ტექნიკური უნივერსიტეტი); III ადგილი - ელენე წიკლაური (ივანე ჯავახიშვილის სახელობის თბილისის სახელმწიფო უნივერსიტეტი). მაგისტრატურა: I ადგილი - ანი ელიაშვილი. დოქტორანტურა: I ადგილი - თეონა ბიბილაშვილი.

„ბიოსამედიცინო ინჟინერიის“ სექციის გამარჯვებულები გახდნენ: ბაკალავრიატი: I ადგილი - ლაშა ხუციშვილი, ნიკა ფომენკო,მათე კაპანაძე (საქართველოს ტექნიკური უნივერსიტეტი); II ადგილი - ნინო კაკულია, ლევან მაღრაძე (საქართველოს ტექნიკური უნივერსიტეტი); III ადგილი - ქრისტინა თათევოსიანი, ანრი აიდინიანი (საქართველოს ტექნიკური უნივერსიტეტი). მაგისტრატურა: I ადგილი - ვერიკო გერგაული (საქართველოს ტექნიკური უნივერსიტეტი); II ადგილი - ნიკოლოზ გუგუშვილი (საქართველოს ტექნიკური უნივერსიტეტი); III ადგილი - საბა კუხალაშვილი (საქართველოს ტექნიკური უნივერსიტეტი).

„ციფრული სატელეკომუნიკაციო ტექნოლოგიების “ სექციის გამარჯვებულები გახდნენ: ბაკალავრიატი: I ადგილი - თალიკო მიქავა, ირაკლი ბადურაშვილი (საქართველოს ტექნიკური უნივერსიტეტი); II ადგილი - ზურაბი შურღაია, დავით სალუქვაძე (საქართველოს ტექნიკური უნივერსიტეტი). მაგისტრატურა: I ადგილი - ცოტნე გვაგვალია, რატი მიქაშავიძე (საქართველოს ტექნიკური უნივერსიტეტი); II ადგილი - რატი მიქაშავიძე (საქართველოს ტექნიკური უნივერსიტეტი). დოქტორანტურა: I ადგილი - გედევან მურჯიკნელი (საქართველოს ტექნიკური უნივერსიტეტი); II ადგილი - გიორგი მურჯიკნელი (საქართველოს ტექნიკური უნივერსიტეტი).

სტუ-ის ინფორმაციით, ინფორმატიკისა და მართვის სისტემების ფაკულტეტის სტუდენტთა 88-ე ღია საერთაშორისო სამეცნიერო კონფერენციის “საინჟინრო ფიზიკის“ სექციაზე, სტუ-ის მაგისტრატურის და დოქტორანტურის ორი სტუდენტის მოხსენების თემები - „პათოგენურ მიკრონაწილაკთა კვლევის შესაძლებლობებს რამანის სპექტროსკოპიის გამოყენებით“ და „ულტრაიისფერი და ინფრაწითელი სპექტროსკოპიის გამოყენებით საქართველოსა და მსოფლიოში გავრცელებული მცენარის ვირუსების კვლევას”, პირველი ხარისხის სიგელით დაჯილდოვდება. მაგისტრატურის გამარჯვებული სტუდენტია სერგი კაპანაძე, ხოლო დოქტორანტურის ანა ფალავანდიშვილი.

ინფორმაციისთვის: სტუდენტთა 88-ე ღია საერთაშორისო სამეცნიერო კონფერენციაში მონაწილეობას უნივერსიტეტის ცამეტი ფაკულტეტის ბაკალავრიატის, მაგისტრატურისა და დოქტორანტურის 530-ზე მეტი სტუდენტი მონაწილეობს. კონფერენცია 56 სექციას მოიცავს, მათ შორის: სამშენებლო ფაკულტეტზე იმუშავებს 4 სექცია და ნაშრომს წარადგენს 25 სტუდენტი; ენერგეტიკის ფაკულტეტზე - 8 სექცია, 67 სტუდენტი; სამთო-გეოლოგიურ ფაკულტეტზე - 2 სექცია, 41 სტუდენტი; ქიმიური ტექნოლოგიისა და მეტალურგიის ფაკულტეტზე - 6 სექცია, 62 სტუდენტი; სატრანსპორტო სისტემებისა და მექანიკის ინჟინერიის ფაკულტეტზე - 6 სექცია, 54 სტუდენტი; არქიტექტურის, ურბანისტიკისა და დიზაინის ფაკულტეტზე - 2 სექცია, 18 სტუდენტი; სამართლისა და საერთაშორისო ურთიერთობის ფაკულტეტზე - 1 სექცია, 21 სტუდენტი; სამართლისა და საერთაშორისო ურთიერთობების და ასევე, საინჟინრო ეკონომიკის, მედიატექნოლოგიებისა და სოციალურ მეცნიერებათა ფაკულტეტებზე, ფაკულტეტთა შორის სექციაზე - 23 სტუდენტი; ინფორმატიკისა და მართვის სისტემების ფაკულტეტზე - 8 სექცია, 90 სტუდენტი; დიზაინის საერთაშორისო სკოლა - 1 სექცია, 3 სტუდენტი; აგრარული მეცნიერებებისა და ბიოსისტემების ინჟინერინგის ფაკულტეტზე - 5 სექცია, 45 სტუდენტი; ბიზნესტექნოლოგიების ფაკულტეტზე - 4 სექცია, 23 სტუდენტი; საინჟინრო ეკონომიკის, მედიატექნოლოგიებისა და სოციალურ მეცნიერებათა ფაკულტეტზე - 7 სექცია, 30 სტუდენტი; მთის მდგრადი განვითარების ფაკულტეტზე - 1 სექცია, 21 სტუდენტი.

სტუ-ის სტუდენტთა 88-ე ღია საერთაშორისო სამეცნიერო კონფერენციამ მუშაობა 29 აპრილს დაიწყო და 17 მაისამდე გასტანს. გამარჯვებულთა დაჯილდოების ღონისძიება კი 14 ივნისს გაიმართება.