ჯაბა სამუშიამ გერმანული ენის დიპლომების - DSD-ს გადაცემის საზეიმო ცერემონიაში მიიღო მონაწილეობა

თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ გერმანული ენის დიპლომების - DSD-ს გადაცემის საზეიმო ცერემონიაში მიიღო მონაწილეობა. ამის შესახებ ინფორმაციას თსუ ავრცელებს.

მათივე ცნობით, გერმანული ენის მეორე საფეხურის დიპლომი „Deutsches Sprachdiplom II“ საქართველოს გერმანული ენის დიპლომის სკოლების (PASCH) 2024 წლის 121 კურსდამთავრებულს გადაეცა.

თბილისის სახელმწიფო უნივერსიტეტის რექტორმა ჯაბა სამუშიამ მადლობა გადაუხადა პროგრამაში ჩართულ მხარეებს საქართველოში გერმანული ენის სწავლების ხელშეწყობისთვის.

„პროგრამის ფარგლებში საქართველოს 10-ზე მეტ სკოლაში გერმანული ენა ინტენსიურად ისწავლება. მადლობა ყველას, ვინც მხარში უდგას ქართველ ახალგაზრდებს, გერმანიის ფედერაციული რესპუბლიკის მთავრობას, საზღვარგარეთ სასკოლო სწავლების ცენტრალურ უწყებას (ZfA), გერმანიის საელჩოს, გერმანიის აკადემიური გაცვლის სამსახურს (DAAD). მათი ხელშეწყობით ყოველწლიურად ათობით ახალგაზრდა მიდის სასწავლებლად გერმანიის წამყვან უნივერსიტეტებში და ეს არის ჩვენი ქვეყნისთვის სასიცოცხლოდ მნიშვნელოვანი“,-განაცხადა ჯაბა სამუშიამ.

ღონისძიებას საქართველოში გერმანიის ფედერაციული რესპუბლიკის ელჩის მუდმივი წარმომადგენელი ტანია ჰუტი, საზღვარგარეთ სასკოლო სწავლების ცენტრალური უწყების (ZfA), გერმანიის აკადემიური გაცვლის სამსახურის (DAAD), გერმანული ენის დიპლომის სკოლების (PASCH) წარმომადგენლები ესწრებოდნენ.

„ეს პროგრამა არა მხოლოდ გერმანული ენის შესწავლას უზრუნველყოფს, არამედ ერთგვარი დამაკავშირებელი ხიდია ქართველი და გერმანელი ახალგაზრდების. ასევე, ჩვენი ქვეყნების ღირებულებების გაცნობის შესაძლებლობას გვაძლევს. მინდა, მოგმართოთ, რომ იყოთ გამბედავები, გამოიყენეთ უნარები და ცოდნა, რომელიც სკოლაში შეიძინეთ, თქვენი ქვეყნისთვის“,- აღნიშნა საქართველოში გერმანიის ფედერაციული რესპუბლიკის ელჩის მუდმივმა წარმომადგენელმა ტანია ჰუტიმ.

საქართველოში 15-მდე PASCH-სკოლაა, სადაც გერმანული ენა გაძლიერებულად ისწავლება. თორმეტ მათგანში ათი სასწავლო წლის შემდეგ შესაძლებელია გერმანული ენის ცოდნის დამადასტურებელი მეორე საფეხურის დიპლომის (DSD II) მიღება, რაც გერმანიის უმაღლეს სასწავლებლებში სწავლის წინაპირობას წარმოადგენს.

DSD-დიპლომი წარმოადგენს გერმანიის უმაღლეს სასწავლებლებში სწავლისათვის აუცილებელი ენის ცოდნის დასტურს. ამ დიპლომს 70-ზე მეტ ქვეყანაში გასცემენ და მის მისაღებად წელიწადში 80 ათასზე მეტი გამოცდა ტარდება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024