ანა წითლიძე - ჩვენ უნდა გვესმოდეს, რომ არა რუსულ კანონს დღეს ნიშნავს არა რუსულ რეჟიმს

ასეთი ტიპის აქციებმა და საქართველოს მოქალაქეების ურყევმა ნებამ, რომელიც ჩვენ ვიხილეთ, გამოიწვია ის, რომ დღეს აშშ და ევროკავშირი დგანან საქართველოს მოქალაქეების გვერდით და ეხმარებიან სანქციებით იმისათვის, რომ რუსული რეჟიმი, რაც შეიძლება სწრაფად მოვიშოროთ ქვეყნიდან, - ამის შესახებ „ნაციონალური მოძრაობის“ წევრმა, დეპუტატმა ანა წითლიძემ „თავისუფლების მარშის“ მსვლელობისას „ინტერპრესნიუსს” განუცხადა.

მისი თქმით, მოწოდება „არა რუსულ კანონს“ დღეს ნიშნავს „არა რუსულ რეჟიმს“.

„ჩვენ გვაქვს მდგომარეობა, როდესაც ქვეყანას მართავს რუსული რეჟიმი და იზოლაციისკენ მიჰყავს ქვეყანა. როდესაც ჩვენი საერთაშორისო პარტნიორები ხედავენ, რომ საქართველოს მოსახლეობის უმრავლესობის ურყევი სურვილი ევროატლანტიკური ინტეგრაციაა, სწორედ ამიტომ უჭერენ მხარს საქართველოს მოქალაქეებს.

ასევე მინდა სოლიდარობა გამოვუცხადო მათ, ვინც აქციების დროს დააკავეს, ყველას ვისაც ფიზიკურად გაუსწორდნენ. ვისაც რეჟიმი შეეხო, ამ ადამიანებმა უნდა იცოდნენ, რომ მათი მონაპოვარიც არის ის რეაქცია, რომელიც საერთაშორისო საზოგადოებას აქვს ქართველ ხალხთან.

უკვე არ აქვს მნიშვნელობა ახლა რას იზამს „ქართული ოცნება“, არ აქვს მნიშვნელობა მიიღებს თუ არა ამ კანონს იმიტომ, რომ ხელისუფლებამ საბოლოოდ შეძლო ის, რომ ის ნიღაბი, რომლითაც 12 წლის განმავლობაში ახერხებდა მოეტყუებინა საერთაშორისო პარტნიორები და საქართველოს მოქალაქეები, საბოლოოდ ჩამოიხსნა. ჩვენ უნდა გვესმოდეს, რომ არა რუსულ კანონს დღეს ნიშნავს არა რუსულ რეჟიმს”,- განაცხადა წითლიძემ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი