26 მაისს, თანამებრძოლები მოგვიკლეს და სანქციები არავის უხსენებია - ეს არის შერჩევითი სამართალი, - ასე ეხმაურება აჭარის უმაღლესი საბჭოს წევრი „ქართული ოცნებიდან“, ადამიანის უფლებათა დაცვის საკითხთა კომიტეტის თავმჯდომარე ცოტნე ანანიძე შესაძლო სანქციების დაწესების საკითხს.

ანანიძე იმედოვნებს, რომ „გაუგებრობა აღმოიფხვრება“.

„იმ ფონზე, როდესაც ქვეყანამ უამრავ გამოწვევას გაუძლო, გააუმჯობესა ადამიანის უფლებრივი მდგომარეობა და სხვა უამრავი მიმართულება, პარტნიორულ ურთიერთობებს არანაირად არ შეესაბამება და შერჩევითი სამართალია ამ დროს სანქციებზე საუბარი. იმედს ვიტოვებთ, რომ ეს გაუგებრობა აღმოიფხვრება. გაირკვევა სიმართლე, ისე როგორც სტრასბურგის სასამართლომ დაადგინა ახლახან სააკაშვილის საქმესთან დაკავშირებით. როდესაც მოგვიწოდებდნენ ევროპელი პარტნიორები მის ქვეყნიდან გაყვანისკენ და პოლიტპატიმრად მოიხსენიებდნენ", - აცხადებს ანანიძე.