სამწუხაროა, როდესაც 26 მაისი, რომელიც არის ეროვნული დამოუკიდებლობის დღე, პოლიტიკური განცხადებებისთვის გამოიყენება, - ასე გამოეხმაურა პრემიერ-მინისტრი ირაკლი კობახიძე დამოუკიდებლობის დღესთან დაკავშირებით პრეზიდენტ სალომე ზურაბიშვილის განცხადებებს.

მისი თქმით, 26 მაისი არის ეროვნული დღესასწაული, სადაც ყველამ ერთად უნდა ვისაუბროთ არა პოლიტიკაზე ვიწრო გაგებით, არამედ ჩვენს საერთო ეროვნულ ამოცანაზე.

„არ მინდა განცხადებებთან დაკავშირებით განსაკუთრებული კომენტარი გავაკეთო. სამწუხაროა, როდესაც 26 მაისი, რომელიც არის ეროვნული დამოუკიდებლობის დღე, პოლიტიკური განცხადებებისთვის გამოიყენება, ეს არ არის პოლიტიკური განცხადებების დღე, ეს არის ეროვნული დღესასწაული, სადაც ყველამ ერთად უნდა ვისაუბროთ არა პოლიტიკაზე ვიწრო გაგებით, არამედ ჩვენს საერთო ეროვნულ ამოცანაზე“, - განაცხადა კობახიძემ.