კახა კალაძე პრეზიდენტის განცხადებებზე - ნამდვილად სამარცხვინო იყო

ნამდვილად სამარცხვინო იყო ის განცხადება, რაც აღნიშნულ ზეიმზე, რასაც ქვეყნის დამოუკიდებლობის დღე ჰქვია, [პრეზიდენტისგან] ჩვენ მოვისმინეთ, - ამის შესახებ თბილისის მერმა, კახა კალაძემ განაცხადა, რითაც საქართველოს პრეზიდენტის, სალომე ზურაბიშვილის დამოუკიდებლობის დღისადმი მიძღვნილ ღონისძიებაზე სიტყვით გამოსვლისას გაკეთებული განცხადებები შეაფასა.

„დღეს არის ქვეყნის დამოუკიდებლობის დღე, დღეს არის ზეიმი, შესაბამისად, თავს შევიკავებ პოლემიკაში შესვლისგან. ნამდვილად სამარცხვინო იყო ის განცხადება, რაც აღნიშნულ ზეიმზე, რასაც ქვეყნის დამოუკიდებლობის დღე ჰქვია, ჩვენ მოვისმინეთ, სამწუხაროდ“,- განაცხადა კახა კალაძემ.

ამასთან, კახა კალაძემ დამოუკიდებლობის დღის მნიშვნელობაზე საუბრისას აღნიშნა, რომ საქართველოს დღესაც უწევს ბრძოლა დამოუკიდებლობისა და თავისუფლებისთვის.

„დღეს მთავარი სურვილია, რა თქმა უნდა, ქვეყნის გამთლიანება. ნებისმიერი ქართველისთვის ეს არის პრინციპული საკითხი, ყველაზე მნიშვნელოვანი საკითხი. სრულიად საქართველოს მინდა მივულოცო დღევანდელი დღე. ქვეყნის დამოუკიდებლობა ძალიან მნიშვნელოვანია. მნიშვნელოვანია იყო დამოუკიდებელი, თავისუფალი, მნიშვნელოვანია სახელმწიფოს სუვერენიტეტი, შენი ქვეყნის ტერიტორიების ხელშეუხებლობა. ამ ქვეყანაში მცხოვრები ადამიანების უფლებაა, მართონ თავიანთი ქვეყანა თავიანთი რწმენისა და ნების შესაბამისად. ჩვენმა წინაპრებმა სისხლით მოიპოვეს დამოუკიდებლობა და გადმოგვცეს ჩვენ და ამას ჭირდება შენარჩუნება. დღესაც გვიწევს ბრძოლა დამოუკიდებლობისთვის და თავისუფლებისთვის“, - განაცხადა კახა კალაძემ.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი