შალვა პაპუაშვილი - ორმა თვემ გვაჩვენა, რომ სწორ გადაწყვეტილებას ვიღებდით და სწორი პროპორციული დონე იყო შემოღებული, რომ სრულად უზრუნველყოფილიყო მედიის მიერ საპარლამენტო საქმიანობის გაშუქება

ვფიქრობ, ორმა თვემ გვაჩვენა, რომ სწორ გადაწყვეტილებას ვიღებდით და სწორი პროპორციული დონე იყო შემოღებული იმისთვის, რომ სრულად უზრუნველყოფილიყო მედიის მიერ საპარლამენტო საქმიანობის გაშუქება, - ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა, რითაც უპასუხა ჟურნალისტის კითხვას: „უცხოური გავლენის გამჭვირვალობის შესახებ“ კანონის ვეტოს განხილვის დროს დაუშვებენ, თუ არა ონლაინ მედიის ჟურნალისტებს“.

მისივე თქმით, გასული დღეების განმავლობაში პარლამენტში მიმდინარე პროცესებს 100-მდე ტელემედიის ჟურნალისტი აშუქებდა.

„როგორც იცით უსაფრთხოების რეჟიმები პარლამენტში არის ხოლმე, რაც გამოწვეულია სამწუხაროდ, რადიკალური ოპოზიციისა და ხანდახან მისი კუთვნილი მედიის რადიკალური ქმედებებიდან გამომდინარე. ამიტომ მნიშვნელოვანია, რომ პარლამენტში დაცული იყოს სამუშაო გარემო, ეს რეჟიმები ემსახურება უპირველეს ყოვლისა პრევენციას, რომ სამუშაო გარემოს ხელი არ შეეშალოს. რა თქმა უნდა, აქ რაღაც ინდივიდუალური ზომებისთვის იცით, რომ სხვა გადაწყვეტილებები არსებობს აკრედიტაციასთან დაკავშირებით. რაც შეეხება რეჟიმს, როგორც იცით, რეჟიმი გარკვეულ სეგმენტებს მოიცავს, ვიზიტორებს ან ნაწილობრივ მედიას და ა.შ. ვფიქრობ, რომ ამ ორმა თვემ გვაჩვენა, რომ სწორ გადაწყვეტილებას ვიღებდით და სწორი პროპორციული დონე იყო შემოღებული იმისთვის, რომ სრულად უზრუნველყოფილიყო მედიის მიერ საპარლამენტო საქმიანობის გაშუქება. თუ არ ვცდები, ამ დღეებში პარლამენტში 100-მდე ჟურნალისტი იყო (ვგულისხმობ ტელემედიას), ამავე დროს მთლიანად პარლამენტის სხდომა გადაიცემა სხვადასხვა პლატფორმით. ჟურნალისტების პარლამენტში ყოფნა გულისხმობს მოსახლეობისთვის ინფორმაციის სრულად მიწოდებას, ეს არის უზრუნველყოფილი, შესაძლოა ზოგიერთი ჟურნალისტი კონკრეტულ მომენტში პარლამენტში ვერ ხვდებოდეს, შეიძლება გარკვეული ჟურნალისტისთვის დისკომფორტი იყოს, ჩვენი მთავარი სამიზნე არის მოსახლეობა და როდესაც 100 ჟურნალისტი არის პარლამენტში და ყველა პლატფორმით გადაიცემა, რა თქმა უნდა, მოსახლეობას სრული ინფორმაცია პარლამენტში მიმდინარე საქმიანობის შესახებ აქვს. არცერთი, რაიმე წუხილი მოსახლეობის მხრიდან არ გვსმენია“, - აღნიშნა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს