გარემოს დაცვისა და სოფლის მეურნეობის სამინისტროს დაცული ტერიტორიების სააგენტო საქართველოს დამოუკიდებლობის დღეს ზუგდიდში აღნიშნავს

საქართველოს დამოუკიდებლობის დღისადმი მიძღვნილი საზეიმო ღონისძიებების ფარგლებში, დაცული ტერიტორიების სააგენტო ზუგდიდის ცენტრალურ მოედანზე მისულ სტუმრებს სხვადასხვა შემეცნებით-გასართობ აქტივობას სთავაზობს.

ღონისძიებას გარემოს დაცვისა და სოფლის მეურნეობის მინისტრის მოადგილე იური ნოზაძე ესწრება.

„გილოცავთ ჩვენს თანამემამულეებს საქართველოს დამოუკიდებლობის დღეს. ყველას, ვისთვისაც მნიშვნელოვანია საქართველოს დამოუკიდებლობა და თავისუფლება. ვისაც წვლილი შეაქვს ამ მონაპოვრის შენარჩუნებაში და ქვეყნის ნათელი მომავლის შექმნაში. გარემოს დაცვის და სოფლის მეურნეობის სამინისტრო უერთდება საყოველთაო ზეიმს. ტრადიციულად, ჩვენ სხვადასხვა ლოკაციაზე და სხვადასხვა მუნიციპალიტეტში ვართ წარმოდგენილი. დაცული ტერიტორიების სააგენტო მონაწილეობას იღებს ულამაზეს ქალაქ ზუგდიდში. მობრძანებულ სტუმრებს აქვთ საშუალება დეტალური ინფორმაცია მიიღონ დაცული ტერიტორიების შესახებ, გაეცნონ სამეგრელოს რეგიონის დაცულ ტერიტორიებს, რომელიც მართლაც განსხვავებულია თავისი უნიკალური ჩანჩქერებით, კანიონებით. ვულოცავ სრულიად საქართველოს, მობრძანდით, ერთად აღვნიშნოთ საქართველოს დამოუკიდებლობის დღე!” , - განაცხადა გარემოს დაცვისა და სოფლის მეურნეობის მინისტრის მოადგილე იური ნოზაძემ.

ღონისძიების ფარგლებში, დაცული ტერიტორიების სააგენტო სხვადასხვა სივრცით არის წარმოდგენილი: სტუმრებს საქართველოს უნიკალურ დაცულ ტერიტორიებზე ვირტუალური მოგზაურობის შესაძლებლობა აქვთ;

წარმოდგენილია საქართველოს დაცული ტერიტორიების და ეროვნული პარკების საინფორმაციო სტენდები. მთელი დღის განმავლობაში, ცენტრალურ მოედანზე იმართება მუსიკალური და თეატრალური წარმოდგენები, საბავშვო-გასართობი აქტივობები.

17:10 საათზე, იმ დროს, როდესაც 1918 წელს, საქართველოს დამოუკიდებლობა გამოცხადდა, საქართველოს ეროვნული ჰიმნი შესრულდება.

საზეიმო ღონისძიებები ნატო გელაშვილის, გიორგი და ლუკა ჭოხონელიძეების, სოფო ბედიას, ბორის ბედიას, ელენე ფოჩხუას, მარიტა როხვაძის, ვერიკო ტურაშვილის, ანსამბლი „ფორტეს“ და ინსტრუმენტული ბენდი „ნიუტონის“ კონცერტით დასრულდება.

გარემოს დაცვისა და სოფლის მეურნეობის სამინისტროს ორგანიზებით 26 მაისისადმი მიძღვნილი ღონისძიებები მცხეთაში, ზუგდიდსა და ოზურგეთში იმართება.

ინფორმაციას დაცული ტერიტორიების სააგენტო ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024