საქართველოს დამოუკიდებლობის დღეს აზიისა და ახლო აღმოსავლეთის ქვეყნების საგარეო საქმეთა მინისტრები ეხმაურებიან

საქართველოს დამოუკიდებლობის დღეს აზიისა და ახლო აღმოსავლეთის ქვეყნების საგარეო საქმეთა მინისტრები ეხმაურებიან.

საგარეო საქმეთა სამინისტროს ცნობით, ილია დარჩიაშვილმა ინდოეთის, ისრაელის, თურქმენეთის, უზბეკეთის, შრი-ლანკის, მალდივის რესპუბლიკის, ფილიპინების და სხვა აზიური ქვეყნების საგარეო უწყებებიდან მისალოცი წერილები მიიღო.

„დაე, ჩვენს ქვეყნებს შორის ურთიერთობა დღითიდღე გაძლიერდეს ჩვენი ერების საკეთილდღეოდ", - ნათქვამია განცხადებაში, რომელიც ინდოეთის საგარეო საქმეთა მინისტრმა სუბრაჰმანიამ ჯაიშანკარმა გამოაქვეყნა.

საგარეო საქმეთა სამინისტროს ინფორმაციით, საქართველოს დამოუკიდებლობის დღე მიულოცა ისრაელის სახელმწიფომაც: „ძვირფასო საქართველო, ბედნიერ დამოუკიდებლობის დღეს გილოცავ", - ნათქვამია ისრაელს საგარეო საქმეთა სამინისტროს პოსტში, რომელიც სოციალურ ქსელში გამოქვეყნდა.

საქართველოს საგარეო საქმეთა სამინისტროს ცნობით, მინისტრს დამოუკიდებლობის დღე მიულოცა უზბეკეთის რესპუბლიკის საგარეო საქმეთა მინისტრმა ბახტიორ საიდოვმა.

„წერილში გამოთქმულია იმედი, რომ, არსებული პოტენციალისა და შესაძლებლობების გათვალისწინებით, ორ ქვეყანას შორის არსებული მჭიდრო თანამშრომლობა უფრო მაღალ საფეხურზე გადავა. თურქმენეთის საგარეო საქმეთა მინისტრმა რეშიდ მერედოვმა ილია დარჩიაშვილის სახელზე გამოგზავნილ წერილში იმედი გამოთქვა, რომ საქართველოსა და თურქმენეთს შორის არსებული მეგობრული ურთიერთობები მომავალში კიდევ უფრო განმტკიცდება და ორმხრივი ინტერესის ყველა სფეროს მოიცავს. ყაზახეთის საგარეო საქმეთა სამინისტრო ასევე აქვეყნებს მისალოც პოსტს საქართველოს დამოუკიდებლობის დღესთან დაკავშირებით და საქართველოს წინსვლას, პროგრესსა და კეთილდღეობას უსურვებს.

დამოუკიდებლობის დღესთან დაკავშირებით საქართველოს საგარეო უწყებამ შრი ლანკისა, მალდივის რესპუბლიკისა და ფილიპინების საგარეო საქმეთა მინისტრების მისალოცი წერილებიც მიიღო. ისინი გამოთქვამენ რწმენას, რომ ქვეყნებს შორის არსებული ორმხრივი ურთიერთობები კიდევ უფრო განმტკიცდება მშვიდობის, უსაფრთხოებისა და კეთილდღეობის საერთო მიზნების შესაბამისად“, - აღნიშნულია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი