ბორჯომის მუნიციპალიტეტში საქართველოს დამოუკიდებლობის დღე მრავალფეროვანი პროგრამით აღინიშნა. ამის შესახებ ინფორმაციას ბორჯომის მუნიციპალიტეტი ავრცელებს.

მათივე ინფორმაციით, ღონისძიება ცეკვა „ხორუმით“ საზეიმოდ გაიხსნა, შემდეგ კი მაყურებლის წინაშე ადგილობრივი ვოკალური და ქორეოგრაფიული ანსამბლები წარსდგნენ.

„26 მაისის დღესასწაული მოსახლეობას საჩხერისა და ჭიათურის, ბორჯომისა და ბაკურიანის მეუფემ დანიელმა, ბორჯომის მუნიციპალიტეტის მერმა ოთარ არბოლიშვილმა და საკრებულოს თავმჯდომარემ დავით ზაალიშვილმა მიულოცეს.

ღონისძიებას ადგილობრივი თვითმმართველობის წარმომადგენლები და მოქალაქეები ესწრებოდნენ“,- აღნიშნულია ინფორმაციაში.